ខេត្តកណ្តាល : សំណង់ ដ៏ធំ១កន្កែង ក្បែរនឹង ដស្វាយជ្រុំ ស្ថិតនៅភូមិស្វាយជ្រុំ ឃុំស្វាយជ្រុំ ស្រុកខ្សាច់កណ្តាល ខេត្តកណ្តាល ដែលសង់ជាប់នឹងមាត់ទន្លេ បានកំពុងធ្វើសកម្មភាព និងរៀបចំបុកគ្រឹះ ក្នុងហេតុផល ថាទប់ច្រាំង កុំអោយបាក់ ។
អ្វីជាកត់សំគាល់ អ្នកឆ្លងទូកដ បានគ្រលេកឃើញសំណង់ មានទំរង់ដូចផ្ទះល្វែង ដែលសង់ជាប់នឹងមាត់ទន្លេនិង ជាច្រើនបន្ទប់ទៀត នៅភ្នែកខាងក្រោយ ។
មេឃុំស្វាយជ្រំ លោក សុខ សំបូរ បានប្រាប់ព្រះនរាយណ៍ ថ្ងៃទី១១ ខែមិនា ឆ្នាំ២០២២ កន្លងមកថា លោកមិនបានដឹងគេធ្វើអីនោះទេ តែលោកថា ប្រហែលជាគេចាក់គ្រឹះកុំអោយបាក់ដី ។ លោកថា ការដ្ឋានសំណង់នោះ ជារបស់ឯកជនសុទ្ធសាធ ។
សំណង់១នេះ ហាក់បង្ហាញគម្រូមិនល្អ ទៅដល់អ្នកផ្សេងទៀត
ព្រោះថា យោងតាម អនុក្រឹត្យ ស្តីពីការគ្រប់គ្រងអាងទន្លេ
របស់រាជរដ្ឋាភិបាល លេខ៩៨ អនក្រ.បក ។ ចុះហត្ថលេខាដោយ សម្តេចតេជោ ហ៊ុន សែន នៅថ្ងៃទី
២៤ ខែកក្កដា ឆ្នាំ២០១៥ បានបង្ហាញនៅចំពោះ ។ មាត្រា៨ ចែងថា: ដីចំណីមាត់ច្រាំង និងឆ្នេរនៃតំបន់អាងទន្លេត្រូវកំណត់ចម្ងាយដូចតទៅ។ចំពោះ ទន្លេ : ចម្ងាយ៥០ម៉ែត្រ គិតពីមាត់ច្រាំងទន្លេ ។
ប្រជាពលរដ្ឋរង់ចាំមើល ថាតើលោកអភិបាលខេត្តហ៊ានចុះហាមឃាត់ និងវ៉ៃសំណង់ផ្ទះល្វែងនេះចោលដែរទេ រឺមួយទុក អោយគេសាងសង់រួចរាល់ ហើយត្រូវបាក់ស្រុតចូលក្នុងទន្លេ នៅពេលណា១ យកទាំងមនុស្ស សត្វ កម្មករ តើពេលនោះអ្នកណាជាអ្នកទទួលខុសត្រូវ ?៕
