(ខេត្តស្វាយរៀង)÷ នាព្រឹកថ្ងៃទី១៨ ខែមីនា ឆ្នាំ២០២២នេះ ឯកឧត្តម ម៉ែន វិបុល អភិបាលនៃគណៈអភិបាលខេត្តស្វាយរៀង បានអញ្ជេីញជួបសំណេះសំណាល សួរសុខទុក្ខ និងចែកអំណោយជូនដល់ប្រជាពលរដ្ឋមានជីវភាពខ្វះខាតរងផលប៉ះពាល់ដោយសារជំងឺកូវីដ-១៩ ដែលជាការឧបត្ថម្ភរបស់សាធារណៈរដ្ឋកូរ៉េ តាមរយះរដ្ឋលេខាធិការដ្ឋានAPTERR ។
មានប្រសាសន៍ថ្លែងទៅកាន់បងប្អូនប្រជាពលរដ្ឋនាឱកាសនោះឯកឧត្តមអភិបាលខេត្ត បានពាំនាំនូវបណ្តាំផ្ញេីសាកសួរសុខទុក្ខពីសម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងបានណែនាំបងប្អូនប្រជាពលរដ្ឋយកចិត្តទុកដាក់អំពីការថែទាំសុខភាពរស់នៅស្អាតប្រកបដោយអនាម័យ ជាពិសេសការអនុវត្តិវិធានការ ការពារជំងឺកូវីដ-១៩ ៣ការពារ ៣កុំ និង២ចូលរួម ជាពិសេសត្រូវខិតខំបន្ថែមក្នុងការប្រកបរបរចិញ្ចឹមជីវិតប្រចាំថ្ងៃដូចជា ការចិញ្ចិមសត្វ ការដាំដំណាំបន្ទាប់បន្សំ កាខិតខំប្រកបមុខរបទទួលផ្សេងៗទៀតជាដេីម ។ អំណោយដែលបានចែកជូនដល់ប្រជាពលរដ្ឋនាឱកាសនេះក្នុងមួយគ្រួសារទទួលបាន អង្ករ៤០គីឡូក្រាម ម៉ាស និងថវិកាចំនួន៣០,០០០រៀល ផងដែរ ៕
ហើយបន្ទាប់ពីពិធីជួបសំណេះសំណាល និងចែកអំណោយដល់ប្រជាពលរដ្ឋមានជីវភាពខ្វះខាតក្នុងក្រុងស្វាយរៀងរួចមក ឯកឧត្តមម៉ែន វិបុល អភិបាល នៃគណ:អភិបាលខេត្ត បានអញ្ជើញចុះត្រួតពិនិត្យសួនច្បារមាត់ទន្លេវ៉ៃគោដេីម្បីរៀបចំដាក់ដងទង់ជាតិ ក្រោយពីសួននេះ បានក្រាលម៉ាប ដាំផ្កា បំពាក់អំពូលសូឡារួចរាល់១០០%រួចហេីយ ទន្ទឹមនេះនៅចុងខែមីនាខាងមុខ និងមានរៀបចំក្លោងទ្វា២សងខាងសួន ព្រមទាំងបំពាក់សម្ភារៈហាត់ប្រាណចំនួន៦០គ្រឿងបន្ថែមទៀត សម្រាប់ទុកជាប្រយោជន៍សាធារណៈក៏ដូចជាបងប្អូនប្រជាពលរដ្ឋផងដែរ ។
ដោយ= សុខហ៊រ
