ខេត្តកំពត ៖ សង្វៀនបញ្ជល់មាន់កំពុងបើកលេងយ៉ាងគគ្រឹកគគ្រេងដោយមិនខ្លាចឆ្លងជំងឺកូវីដ-១៩ និង អាជ្ញាធរមានសមត្ថកិច្ច ។ សេចក្តីរាយការណ៍បានឲ្យដឹងថា កន្លែងនេះ ស្ថិតនៅ ភូមិកុល ឃុំកំពង់ត្រែង ស្រុកទឹកឈូ ខេត្តកំពត គេតែងតែឃើញថាមានមនុស្សរាប់សិបនាក់ចូលទៅលេងជល់មាន់ចាក់ភ្នាល់រហូតរាប់ម៉ឺនដុល្លារក៏មាន ។
មូលហេតុដែលអាចចូលលេងល្បែងនៅក្នុងនោះបានដោយសារមាន ឈ្មោះនី ជាកាងបើកលេង និងសង្ស័យមានការបើកភ្លើងខៀវពីអាជ្ញាធរ និង សមត្ថកិច្ច ។ មានក្រុមគ្រួសារអ្នកដែលចូលទៅលេងល្បែងកន្លែងនោះ កំពុងព្រួយបារម្ភខ្លាចឆ្លងជំងឺកូវីដ-១៩ និងអំពើចោរកម្មផ្សេងៗ ហើយព្រមទាំងបានត្អូញត្អែរពីទុក្ខលំបាកក្នុងការរស់នៅក្នុងរង្វង់គ្រួសារ ដោយសារសមាជិកក្រុមគ្រួសារ កូនចៅ ប្រពន្ធប្តីដែលកំពុងទទួលឥទ្ធិពលពីល្បែងស៊ីសងនេះ ។
ប្រជាពលរដ្ឋបានសំណូមពរ សូមឲ្យលោកស្នងការនគរបាលខេត្តកំពត មានវិធានការណ៍ចុះបង្ក្រាបផង ពីព្រោះល្បែងសុីសងទាំងនេះ គឺជាប្រភពដែលបង្កអោយកើតមានចោរកម្មផ្សេងៗ អសន្តិសុខក្នុងមូលដ្ឋាន និងបែកបាក់ក្រុមគ្រួសារថែមទៀត ៕
