(រតនគិរី,) ឯកឧត្ដមថង សាវុន អភិបាលគណះអភិបាលខេត្តរតនគិរីនៅព្រឹកថ្ងៃទី២១ ខែកក្កដា ឆ្នាំ២០១៧ បានដឹកនាំប្រធាន – អនុប្រធាននមន្ទីរជំនាញពាក់ព័ន្ធមួយចំនួន ចុះពិនិត្យស្ថានភាពទឹកទន្លេសេសាន្តនិងប្រព័ន្ធធារាសាស្ត្រនៅស្រុកវើុនសៃក្រោយពីមានភ្លៀងធ្លាក់ជាប់ៗគ្នាយ៉ាងខ្លាំងក្នុងសប្តាហ៍នេះនិងពិនិត្យការងារបង្កបង្កើនផលស្រូវរដូវវស្សារបស់ប្រជាពលរដ្ឋស្ថិតក្នុងភូមិកុកឡាវ-កុកព្រៅឃុំភ្នំកុកស្រុកវ៉ឺនសៃខេត្តរតនគិរី។
ក្នុងឱកាសនៃការចុះពិនិត្យស្ថានភាពទឹកនេះ
ឯកឧត្ដមថង សាវុន បានជំរុញណែនាំដល់មន្ទីរជំនាញ និងអាជ្ញាធ័រស្រុកវើុនសៃ ក៏ដូចជាស្រុកនៅជាប់ដងទន្លេសេសាន្ត និងទន្លេស្រែពក ត្រូវធ្វើការអប់រំ ណែនាំប្រជាពលរដ្ឋឲ្យមានស្មារតីប្រុងប្រយ័ត្នខ្ពស់ក្នុងអន្តរកាលនៃរដូវវស្សា ទន្ទឹមនឹងនេះកម្លាំងជំនាញទាំងអស់ត្រូវត្រៀមអន្តរាគមន៍ជួយប្រជាពលរដ្ឋឲ្យបានទាន់ពេលវេលាក្នុងករណីទឹកមានការជន់ឡើងដោយគំហុកណាមួយកើតឡើង ហើយត្រូវសហការជាមួយស្រុកជាប់ព្រំប្រទល់ ជូនដំណឹងអំពីការប្រែប្រួលអាកសធាតុនិងស្ថានភាពទឹកទន្លេឲ្យប្រជាពលរដ្ឋបានជ្រាប និងមានការប្រុងប្រយ័ត្នខ្ពស់ ។
បន្ទាប់ពីចុះពិនិត្យស្ថានភាពទឹកទន្លេសេសាន្តរួចមក ឯកឧត្ដមថង សាវុន បានបន្តចុះពិនិត្យការងារបង្កបង្កើនផលស្រូវរដូវវស្សារបស់ប្រជាពលរដ្ឋនៅក្នុងស្រុកវើុនសៃផងដែរ ។ ដោយឡែក លោក អ៊ុំ វណ្ណាប្រធានការិយាល័យធារាសាស្ត្រមន្ទីរធនធានទឹកនិងឧត្តុនិយមបានបញ្ជាក់ឲ្យភ្នាក់ងារpntvយើងដឹងថាទំនប់ធារាសាស្ត្រទាំងអស់ក្នុងខេត្តរតនគិរីគឺមានចំនួន55កន្លែង ឯណោះទាំងថ្មីទាំងចាស់។ ដោយឡែកទំនប់ធារាសាស្ត្រក្នុងឃុំភ្នំកុកអាចស្តុកទឹកបានជាង3លានម៉ែត្រគីបហើយអាចស្រោចស្រពដំណាំស្រូវបានក្នុងផ្ទៃដីជាង100ហិចតានៅរដូវប្រាំង៕
ដោយ លី វណ្ណះ ភ្នាក់ងារpntv ទូរទស្សន៍ព្រះនរាយណ៍រាយការណ៍ពីខេត្តរតនគិរី
