ខេត្តបន្ទាយមានជ័យ៖ ទីតាំងបនល្បែងស៊ីសងជល់មាន់និងអាប៉ោងមួយកន្លែងកំពុងតែបើកឲ្យលេងភ្នាល់ឡើងកក្រើកទឹកកក្រេីកដីផ្អេីលដល់ពលរដ្ឋក្នុងក្រុងប៉ោយប៉ែតចូលលេងមិនព្រួយបារម្មណ៍ពីការបង្រ្កាប។
មហាជនកុំពុងធ្វើការិះគន់និយាយតៗគ្នាថាក្រុងប៉យប៉ែតល្បែងជាច្រើនប្រភេទ ដែលកំពុងរីករាលដាលយ៉ាងពេញបន្ទុក តែអាជ្ញាធរមានសមត្ថកិច្ចបែជាធ្វើមិនដឹងមិនឮទៅវិញ។
ល្បែងសុីសងទាំងអស់នេះវាជាហេតុនាំឲ្យកើតមានបទល្មើសផ្សេងៗជាច្រើនទៀត ដូចជាអំពើចោរកម្ម ចោរឆក់ប្លន់ និងអំពើហិង្សាក្នុងគ្រួសារ ជាដេីម។ ដែលហេតុធ្វើឲ្យប៉ះពាល់យ៉ាងខ្លាំងដល់សន្តិសុខសង្គម នា.ពេលបច្ចុប្បន្ននេះ។ការលេងល្បែងសុីសងជល់មាន់បើកលេងភ្នាល់ដាក់លុយរាប់ពាន់ដុល្លារ មិនរំខានដល់សមត្ថកិច្ច ក្នុងក្រុងប៉ោយប៉ែត ឡើយ។ដោយគេអាចសន្ថានបានថា! មានអ្នក(ធំ) បានរត់ការបង់លុយឲ្យសមត្ថកិច្ចពាក់ព័ន្ធ រួចរាល់ហើយ ទើបទីតាំងល្បែងស៊ីសងខាងលើនេះ បើកលេងភ្នាល់ដាក់លុយយ៉ាងរលូន….!
តាមប្រភពប្រជាពលរដ្ឋ ដែលបានចូលលេងបានឱ្យដឹងថា!ក្នុង១គូៗ ចាប់ពី៥០០ដុល្លារ ទៅ១០០០ដុល្លារឡើងទៅ ជាងនេះទៅទៀត នោះមានអ្នកខ្លះលេងចាញ់លក់អស់ឡាន ហ្នឹងរបស់របរគ្រឿងអលង្ការជាច្រើនថែមទៀត។
ប្រភពពីប្រជាពលរដ្ឋ បានបញ្ជាក់ថា; ទីតាំងល្បែងស៊ីសងជល់មាន់ ហ្នឹងអាប៉ោងដែលស្ថិតនៅក្នុង ភូមិអូរនាង នេះគេរត់ការបង់លុយក្រោមតុ ឲ្យទៅអាជ្ញាធរសមត្ថកិច្ចមួយចំនួនតាំងពីក្រោមដល់លើ គេបើកលេងជាច្រើនខែថ្ងៃមកហើយ ដោយពុំមានការរំខានដល់សមត្ថកិច្ច ក្រុងប៉ោយប៉ែតនោះទេ។
ដូច្នេះប្រជាពលរដ្ឋ សូមសំណូមពរដល់ លោក ឧត្តមសេនីយ៍ទោ សិទ្ធិ ឡោះ
ស្នងការនគរបាលខេត្តបន្ទាយមានជ័យ និងលោក ឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ រួមហ្នឹង លោក វរសេនីយ៍ឯក សៅ សារឿន អធិការនគរបាលក្រុងប៉ោយប៉ែត សូមមេត្តា
ចុះត្រួតពិនិត្យនឹងធ្វើការបង្រ្កាបផងទាន ? ចៀសវាង កុំអោយ មហាជនដាក់ការសង្ស័យថា ! មន្ត្រីមូលដ្ឋាន ទទួលការបង់លុយពីក្រុមមេបនល្បែងសុីសង។
បើយោងតាមច្បាប់នៃការបង្ក្រាបល្បែងសុីសង ជំពូក៣ ទោសបញ្ញត្តិ បានចែងក្នុងមាត្រា ៤ ជនណាលេងល្បែងសុីសង ជននោះត្រូវផ្តន្ទាទោសពិន័យជាប្រាក់ពីមួយមុឺនរៀល(១០.០០០) ដល់ ប្រាំមុឺនរៀល (៥០.០០០) ឬដាក់គុកពីមួយថ្ងៃដល់មួយខែ។ ក្នុងករណីមិនរាងចាល ត្រូវផ្តន្ទាទោសពិន័យជាប្រាក់ពីប្រាំមុឺនរៀល(៥០.០០០)ដល់ប្រាំសែនរៀល(៥០០.០០០) និងដាក់គុកពីមួយខែដល់មួយឆ្នាំ។
មាត្រា៥ ត្រូវផ្តន្ទាទិសពិន័យជាប្រាក់ពីប្រាំលានរៀល(៥.០០០.០០០)ដល់ម្ភៃលានរៀល(២០.០០០.០០០)និងដាក់គុកពីមួយឆ្នាំដល់ប្រាំឆ្នាំ ចំពោះអ្នកបើកកន្លែងលេងល្បែងសុីសង អ្នកកាន់កាប់ល្បែងសុីសង អ្នកចាត់ចែងនិងភ្នាក់ងារសុីសង។ ក្នុងករណីពុំរាងចាលត្រូវផ្តន្ទាទោសពិន័យជាប្រាក់និងដាក់គុកខាងលើជាអតិបរមា។ នឹងមាត្រា ៦-៧-៨-៩-១០ និង១១ទៀតផង៕
