ខេត្តក្រចេះ ៖ ប្រភពពីប្រជាពលរដ្ឋ បានបញ្ជាក់ឲ្យដឹងនៅរសៀលថ្ងៃទី៧ ខែមិថុនា ឆ្នាំ ២០២២ ថា ជារៀងរាល់ថ្ងៃ មានឈ្មួញដឹកជញ្ជូនធ្យូងឈើ តាមរថយន្តសាំយ៉ុងកែច្នៃនិង ឡានកូរ៉េ ជាច្រើនគ្រឿង ចេញពីស្រុកស្នួល ទៅស្រុកយួនតាមច្រករបៀងត្រពាំងស្រែ ដែលមាន ឈ្មោះលោក លាក់ គេប្រាប់ថាជាក្មួយលោកស្នងការខេត្ត និងលោកលីម ប្រធានច្រកឃ្លាំង ជាទទួលកាច់ចង្កេះចូលស្រុកយួនយ៉ាងពេញបន្ទុក។
សកម្មភាពរបស់ ឈ្មួញទាំងអស់នោះ គឺគ្មានមន្រ្តីជំនាញ ឬសមត្ថកិច្ចណាចាត់វិធានការទប់ស្កាត់ឡើយ ទំនងជាពួកគេខ្លាចបាត់បង់ផលប្រយោជន៍ និងខ្លាចអំណាចរបស់លោកស្នងការ ទើបរក្សាភាពស្ងៀមស្ងាត់ដែលមិនខ្វល់ពីការរិះគន់អ្វីទាំងអស់ ។
ប្រភពថា អ្នកនាំធ្យូងទៅវៀតណាម ឈ្មោះ នាង ចំរើន ជាទាហានការពារព្រំដែន ហើយអ្នក ទទួលកាច់ចង្កេះ គឺឈ្មោះលោក ឡីម ជាមេច្រកទ្វេភាគីជាឃ្លាំងនិងឈ្មោះលាក់ ជាក្មួយស្នងការ តែម្ដង ជាការពិតណាស់ តាមបណ្ដោយច្រកទ្វេភាគី និងច្រករបៀងផ្សេងៗ គឺសុទ្ឋតែជាកូនក្មួយរបស់លោកស្នងការ ។ ជាពិសេសគឺលោកឡីម ជាអ្នកកាន់សេដ្ឋកិច្ចនិងលុយ ជូនថ្នាក់លើ ។
ប្រភពពីប្រជាពលរដ្ឋឲ្យដឹងទៀតថា លោកឡីម បានបើកដេប៉ូទិញធ្យូង នៅលើ ដីចម្ការរបស់លោកផ្ទាល់ គឺនៅជិតដេ2 តែម្ដង ព្រោះវាងាយស្រួលនិងនាំចូលវៀតណាម ។
ហេតុនេះហើយទើបប្រជាពលរដ្ឋអំពាវនាវ
ស្នើដល់ លោកស្នងកាខេត្តក្រចេះ លោក សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ និងលោក វ៉ា ថន អភិបាលខេត្តក្រចេះ ពិនិត្យករណីនេះ
ដើម្បីកុំឲ្យឈ្មួញ ទាំងអស់នោះធ្វើអ្វីៗតាមអំពើចិត្ត។
នៅរសៀលថ្ងៃនេះដដែល ក្រុមការងារព្រះនរាយណ៍ បានព្យាយាមទាក់ទងទៅ ស្នងការខេត្តក្រចេះ និង មេប៉េអឹម ខេត្តក្រចេះ តែមិនមានអ្នកលើកទូរសព្ទ ។
គររម្លឹកដែរថា៖ ក្រសួងកសិកម្ម រុក្ខាប្រមាញ់ និងនេសាទ មិនអនុញ្ញាតឲ្យនាំធ្យូងចេញទៅ ក្រៅប្រទេសទេ ហើយការជួញដូរធ្យូង ឈើនេះ ធ្វើឲ្យប៉ះពាល់ដល់ព្រៃឈើ ក្រុមឧក្រិដ្ឋកម្ម ព្រៃឈើ បានលួចកាប់បំផ្លាញព្រៃឈើ យកទៅដុតធ្វើធ្យូង ដែលច្បាប់ហាមឃាត់៕
