ខេត្តព្រះសីហនុ ៖ អស់រយៈពេល៣ឆ្នាំមកហើយ ដែលល្បែងជល់មាន់ទ្រុងទ្រាយធំ បានបង្កប់ខ្លួននៅក្នុងនៅក្រោយបរិវេណ កាស៊ីណូដាយអឹមិនស៊ី ស្ថិតក្នុងសង្កាត់លេខ៣ ក្រុងខេត្តព្រះសីហនុ។ ប្រជាពលរដ្ឋរស់នៅទីនោះផ្ទាល់បានសំដែងការមិនពេញចិត្តចំពោះវត្តមានយ៉ាងគគ្រឹកគគ្រេងរបស់ក្រុមញាននឹងល្បែងមាន់ជល់ ដែលបានបង្កការក្តៅក្រហាយពីសំណាក់ស្តីជាមេផ្ទះ ជាម្តាយ ដែលមានប្តី កូន បានយកលុយ លួចលុយពីផ្ទះ រួមទាំង ប្រើពាក្យសំដីហឹង្សា និងអំពើហឹង្សា ក្នុងគ្រួសារទៀតផង ។នៅពេលមានការប្រជុំម្តងៗ ពិសេសចំពោះការអនុវត្តន៍នូវគោលនយោបាយភូមិ សង្កាត់មានសុវត្ថិភាព ពាក់ព័ន្ធនឹងមាន់ជល់នេះ អាជ្ញាធរយកគូថស្តាប់ ។ពួកគាត់ថា ទីក្រុងទេសចរណ៍ មិនគួរណាបណ្តែតបណ្តោយអោយមានល្បែង យ៉ាងច្រើនដូចនេះទេ ព្រោះអ្នករងគ្រោះពិតប្រាកដជាជនជាតិខ្មែរ ដែលមានជីវភាពក្រីក្រ ។ អ្នកដែលបានផលប្រយោជន៍ពីបនល្បែងទាំងនោះ មានម្ចាស់កាស៊ីណូ អ្នកបើកបនល្បែង និង អាជ្ញាធរខូចខិលមួយចំនួនដែលបាននាំគ្នា សំងំសោយសុខលើទូក្ខលំបាករបស់ប្រជាជន ព្រោះអ្នកចូលលេងភាគច្រើនគឺជាជនជាតិខ្មែរ ។យោតតាមលិខិតមួយច្បាប់ ដែលអាចប្រឆាំងនឹងគោលនយោបាយរបស់រាជរដ្ឋាបាលបានគឺ គេសំអាងលើលិខិតស.ជ.ណ លេខ ១៤៨២ ចុះថ្ងៃទី២១ ខែតុលា ឆ្នាំ ២០១៤ របស់ទីស្ដីការគណៈរដ្ឋមុន្រ្តី ចុះហត្ថលេខដោយឯកឧត្តមរដ្ឋលេខាធិការ បណ្ឌិត ហ៊ីង ថូរ៉ាក់ស៊ី ។ទោះជាយ៉ាងនេះក្តីប្រជាជនកម្ពុជា បានស្នើដល់សម្តេចតេជោ ហ៊ុន សែន លុបចោលនូវ ស ជ ណ ខាងលើ ព្រោះថាប្រជាពលរដ្ឋ រស់មិនបានសុខទេ ខណៈក្រុងព្រះសីហនុ ក្លាយជាទីក្រុងល្បែង ពាលាអាវា សែរ នោះ ៕
