ខេត្តបន្ទាយមានជ័យ ៖ក្រោយពីបានស្រាវជ្រាវ អស់រយះពេល ជា ច្រើនថ្ងៃ កន្លងមកនេះ ទៅលើករណី ភាព មិនប្រក្រតី នៃរថយន្តក្រុង ដែលបានដឹក ទំនិញ ពេញៗ តែគេសង្កេតឃើញថា គ្មាន សមត្ថិកិច្ទជំនាញណាមួយ ចុះមកឆែកឆេរ ឬឃាត់រថយន្ត ដែលដឹកទំនិញ គេចពន្ធ ពុំ បានបង់ពន្ធជូនរដ្ឋ នោះទេ គឺប្រភព ពីប្រជា ពលរដ្ឋតែម្ដង ដែលពួកគាត់តែងតែ បានឃើញ ផ្ទាល់ភ្នែក នូវ រថយន្ដ យ៉ាងហោច ណាស់ ក៏មានរថយន្តក្រុងធំៗ ជាង ១០ ក្រុមហ៊ុន បាននិងកំពុងធ្វើសកម្មភាព ដឹក ទំនិញគេចពន្ធ រឺទំនិញបង់ពន្ធ មិនគ្រប់ យ៉ាងភ្លូកទឹកភ្លូកដី ដោយដឹក ទំនិញ តែពេលយប់ ពុំឃើញមានមន្ត្រីជំនាញ ពាក់ពន្ឋ័ឬស្ថាប័ន្ត ណាបង្ក្រាប និង ទប់ស្កាត់ ឡើយ សង្ស័យ ត្រូវថ្នាំសណ្តំ របស់ក្រុមឈ្មួញ និងក្រុមហ៊ុន ដឹកជញ្ជូនអ្នកដំណើរ ទាំងនោះហើយមើលទៅ ។
ប្រភពដដែលបន្តទៀតថា៖ បច្ចុប្បន្នមាន ក្រុមហ៊ុនរថយន្ត ក្រុងជាច្រើនគ្រឿង កំពុងតែ សប្បាយ ដឹកទំនិញ គេចពន្ធ យ៉ាង អនាធិបតេយ្យ ធ្វើឱ្យបាត់បង់ប្រាក់ចំណូលពន្ធ របស់រដ្ឋ អស់ជាច្រើនក្នុងមួយខែៗ។ បន្ទាប់ពី បានផ្សព្វផ្សាយ នូវ ព័ត៌មានក្នុងស្រុក ក៏បានស្ងប់ស្ងាត់ មួយរយះពេល មកដល់ ថ្ងៃទី១៣ ខែតុលា ឆ្នាំ២០១៧ ដែលមាន ទីតាំង កន្លែងស្តុកទំនិញ នៅចំនុចភូមិក្បាលស្ពាន២ សង្កាត់និងក្រុងប៉ោយប៉ែត ខេត្តបន្ទាយមានជ័យ ខាងអង្គភាព ព័ត៌មានយើង បានចុះផ្តិតយករូបភាព នៅចំនុច ខាងលើនេះ មានសុទ្ធតែជាទំនិញ ដែលរងចាំ រថយន្តក្រុងមកដឹក ដើម្បីយកទៅ ចែកចាយតាម បណ្តាខេត្តមួយចំនួន ក្នុង ព្រះរាជាណាចក្រកម្ពុជា។ ហើយនៅក្នុង ភូមិបាលិលេយ្យ១ សង្កាត់និងក្រុងប៉ោយប៉ែត ក៏មានឥវ៉ាន់ ជាច្រើនរទេះ ធំៗ កំពុងតែដាក់ ចូលក្នុងឃ្លាំង រង់ចាំពេលយប់ស្ងាត់ រឺជួនពេល ខ្លះដឹកទាំងថ្ងៃតែម្តងទើប បញ្ជូនចូល ក្នុង រថយន្តក្រុងតែម្តង។
ក្រុមហ៊ុនដឹកអ្នកដំណើរ (រថយន្តក្រុង)ធំៗ ជាង១០ ក្រុមហ៊ុននោះ គេសង្កេតឃើញថា មានរថយន្ត ដែលល្បីជាងគេ ក្នុងការដឹក ទំនិញគេចពន្ធ យ៉ាងអនាធិបតេយ្យបំផុត ពីតំបន់ជាយដែន ប៉ោយប៉ែត ទៅកាន់បណ្តាខេត្តនានា រាប់ទាំងទៅដល់ រាជធានីភ្នំពេញនោះរួមមាន៖ក្រុមហ៊ុន បូពា៍ អាស៊ី ដឹកអ្នកដំណើរ , ក្រុមហ៊ុន ថោង ស៉ីង ដឹកអ្នកដំណើរ ,ក្រុមហ៊ុនលី ហុង ដឹកអ្នកដំណើរ,ក្រុមហ៊ុនវីរៈប៊ុនថាំ ដឹកអ្នកដំណើរ និងក្រុមហ៊ុន អង្គរអុិចប្រេស ដឹកអ្នកដំណើរ ព្រមទាំងរថយន្ត KSRV ដឹកអ្នកដំណើរ ។
សូមបញ្ជាក់ថា ក្រុមហ៊ុនទាំង១០ ខាងលើនេះ គេសង្កេតឃើញ មានក្រុមហ៊ុន ចំនួន៥ ក្រុមហ៊ុន ដែលជាក្រុមហ៊ុនរថយន្ត ដែលដឹក ទំនិញ បានត្រូវគេអះអាងថាបាន លួចបង្កប់ និងទទួលដឹកទំនិញ គេចពន្ធសព្វ សារពើ ពីតំបន់ប៉ោយប៉ែត មានដូចជា៖ សម្លៀកបំពាក់ ( ខោអាវ)គ្រប់មុខ ,គ្រឿងក្រអូប ,ទូរទឹកកក ម៉ាសុីនបោក ខោអាវ ព្រមទាំងសម្ភារះ មានតម្លៃថ្លៃផ្សេងៗទៀត និងគ្រឿង អេឡិចត្រូនិច ជាដើម ដែលប្រភេទទំនិញខាងលើនេះ សុទ្ធសឹងតែជាប្រភេទទំនិញ គេចពន្ឋ ហើយប្រសិនបង់ពន្ធជូនរដ្ឋវិញ គឺច្រើន សន្ឋឹកសន្ឋាប់ណាស់ ប៉ុន្តែជាអកុសល ប្រាក់ដែលត្រូវបង់ពន្ធទាំងនោះ បានធ្លាក់ចូលទៅក្នុងហោប៉ៅ ក្រុមឈ្មួញខិលខូច និងមានការចូលរួមបើកដៃ ពីសំណាក់ មន្ត្រីជំនាញពាក់ពន្ឋ័ស្ទើរគ្រប់ស្ថាប័នដូចជា ៖ មន្ត្រីគយចល័ត ស្រុក ក្រុង ខេត្ត និងក្រសួង និងប៉ូលិសសេដ្ឋកិច្ច ខេត្ត ក្រសួង ដែលឈរជើង នៅតាមបណ្តាខេត្ត ក្រុង តាមដងផ្លូវជាតិលេខ៥ និងផ្លូវជាតិលេខ៦ ជាដើម ។
ពាក់ព័ន្ឋនឹងការ ចោទប្រកាន់ ខាងលើនេះ ប្រធានការិយាល័យ គយ និងរដ្ឋាករច្រកប៉ោយប៉ែត លោក ហ៊ុយ សុជាតិ ខាង សារព័ត៌មាន យើងមិនអាចសុំការ ឆ្លើយបំភ្លឺ ពីលោកបាននោះទេ ព្រោះទូរស័ព្ទ ខលមិនចូល៕
