បងប្អូនជនពិការកំបុតដៃ ទាំងសងខាង នៅទូទាំងប្រទេស នឹងបន្តមានឳកាស ទទួលបានជំនួយពី មូលិនិធិ ឧកញ៉ាបណ្ឌិត ជា រតនា និងលោកស្រី លីហៀក រតនា ក្នុងម្នាក់ទទួលបានប្រាក់ 1លានរៀលនៅថ្ងៃទី14 ខែមករា ឆ្នាំ 2017 ខាងមុខ ។មានប្រសាសន៏ ក្នុងពិធីសន្និសីទព័ត៌មាន កាលពីពេល កន្លងមក នេះ លោក ឧកញ៉ាបណ្ឌិត ជា រតនា បានបញ្ចាក់ថា ប្រសិនបើបងប្អូន ជាជនពិការ ដែលមានសភាព កំបុត ដៃ ទាំងសងខាង សូមទាក់ទង មក ការិយាល័យទទួលព័ត៌មានពីបងប្អូន តាមរយៈលេខ 095 95 96 97 ដើម្បី ទទួលបានការអញ្ជើញមកជួបជុំគ្នា នៅវិទ្យាស្ថានជាតិអប់រំ នៅថ្ងៃទី 14 ខែមករា ឆ្នាំ2017 ខាងមុខ ។លោក ឧកញ៉ា បន្តថា ជនពិការកំបុតដៃ ទាំង សងខាង មានប៉ុន្មាននាក់ មូលនិធិ និង ធ្វើការទទួលទាំងអស់ ហើយនឹង ទទួលបានប្រាក់ក្នុងមួយនាក់ 1 លានរៀលផងដែរ ។
តាមរយៈគំរោងនឹងធ្វើការជួបជុំ ជនពិការកំបុតដៃ ទាំងសងខាងលើកទី 2 ឬ ឆ្នាំទី2 នេះ លោកឧកញ៉ា ក៏សូមអំពាវនាវ ដល់បងប្អូនពិសេស អ្នក សារព័ត៌មាន បងប្អូនជនរួមជាតិទាំងអស់ សូមជួយផ្សព្វផ្សាយដំណឹងល្អ នេះ អោយបានដល់បងប្អូនជនពិការកំបុតដៃ ទាំងសងខាង របស់យើងព្រោះ នៅមានបងប្អូនយើងខ្លះ មិនទាន់ទទួលបានដំណឹងនេះ ។
លោកឧកញ៉ាបណ្ឌិត ជា រតនា ក៏បានបង្ហាញពីសកម្មភាពមូលនិធិ ដែល លោកបានជួយដល់ជនពិការដៃទាំង២ នាពេលកន្លងមកដោយក្នុង ចំណោម ជនពិការដែលបានទំនាក់ទំនងមកលោកមានប្រមាណជិត៤០០នាក់ ហើយ បានចុះក្នុងបញ្ជីចំនួន១៨៧នាក់ ក្នុងនោះជនពិការ ដែលទទួល ប្រាក់ ឧបត្ថម្ភ១លានរៀលមានចំនួន១៥៨នាក់ និងជនពិការ បានបំពាក់ ដៃសិប្ប និមិ្មត ចំនួន៤៤នាក់។
លោកបណ្ឌិត ជា រតនា បានបញ្ជាក់ទៀតថា មូលនិធិនៅបានផ្តល់ អាហារូបករណ៍ (១.០៥០ដុល្លារ) ជូនដល់ជនពិការឈ្មោះ គួន សុខណា បានសិក្សារៀនសូត្រ នៅសាកលវិទ្យាល័យឯកទេសនៃកម្ពុជា នៅខេត្ត សៀមរាប និងជនពិការ ទទួលបានការឧបត្ថម្ភពិសេស ២០០.០០០រៀល ក្នុង១ខែ សម្រាប់រយៈពេល៥ឆ្នាំ ចំនួន៣នាក់ គឺក្មួយប្រុស គឹម ដេវីដ នៅស្រុកបាកាន ខេត្តពោធិសាត់, ប្អូនប្រុស សៅ ភោន នៅស្រុកសណ្តាន់ ខេត្តកំពង់ធំ និងប្អូនប្រុស ទុយ សុខដុង នៅស្រុងស្ទឹងសែន ខេត្តកំពង់ធំ។
ដោយឡែក មូលនិធិលោក នៅបានជួយដល់ជន ពិការសម្រាប់ ប្រកបរបរចិញ្ចឹម ជីវិត ដូចជាការចិញ្ចឹមគោ ជ្រូក មាន់ ទា មានចំនួន ៥នាក់ ក្នុងនោះ ៣គ្រួសារ ទទួលការឧបត្ថម្ភជាថវិកា១០០០ដុល្លារ និងមួយគ្រួសារ ៣លានរៀល និងមួយគ្រួសារទៀត ចំនួន ៦លានរៀល ៕
