បាត់ដំបង:កម្មវិធីទិវាយោគ:អន្តរជាតិលើកទី៤ត្រូវបានប្រារព្វឡើងជាលើកដំបូងក្នុងខេត្តបាត់ដំបងនៅថ្ងៃទី១៧ខែមិថុនាឆ្នាំ២០១៨នេះត្រង់បរិវេណមុខសាលាខេត្តបាត់ដំបង។នៅក្នុងកម្មវិធីទិវាយោគ:អន្តរជាតិលើកទី៤នេះដែរត្រូវបានចូលរួមជាអធិបតីពីសំណាក់លោកហឿង.សុគន្ធអភិបាលរងខេត្តបាត់ដំបងព្រមទាំងសិស្សានុសិស្សសរ៉ុបចំនួនជាង៥០០នាក់។លោកគី.សេរីរច្ឆនាអនុប្រធានផ្នែកសិក្សាទីផ្សារនិងផ្សព្វផ្សាយទេសចរណ៍ក្រៅប្រទេសបានអោយដឹងថាដោយទទួលបានការអនុញ្ញាតិពីរាជរដ្ឋាភិបាលកម្ពុជាក្រសួងទេសចរណ៍បានសហការជាមួយស្ថានទូតឥណ្ឌាប្រចាំកម្ពុជាបានផ្តើមរៀបចំទិវាយោគ:អន្តរជាតិនេះតាំងពីឆ្នាំ២០១៥ដោយទទួលបានជោគជ័យយ៉ាងធំធេង។
លោកបន្តថានៅក្នុងឆ្នាំ២០១៨នេះចាប់ពីថ្ងៃទី១៦និង១៧ខែមិថុនានេះក្រុមការងារលោកបាននិងកំពង់រៀបចំព្រឹត្តិការណ៍នេះនៅតាមគោលដៅទេសចរណ៍សំខាន់ៗចំនួន៤កន្លែងរួមមានរាជធានីភ្នំពេញ.ខេត្តព្រះសីហនុ.ខេត្តសៀមរាបនិងខេត្តបាត់ដំបង។លោកបន្តថាកម្មវិធីទិវាយោ:អន្តរជាតិនេះមិនត្រឹមតែផ្តល់អត្ថប្រយោជន៍ចំពោះសុខភាពអប់រំផ្លូវចិត្តស្ងប់អារម្មណ៍ដែលជំរុញអោយមនុស្សស្រឡាញ់សុខសន្តិភាពប៉ុណ្ណោះទេប៉ុន្តែក៏បានផ្តល់ឱកាសអោយកម្ពុជាចូលរួមអបអរទិវានេះជាមួយបណ្តាប្រទេសប្រជាជាតិនានានៅក្នុងពិពភលោកផងដែរ។លោកបន្តថាហើយអ្វីដែលសំខាន់នោះគឺគោលដៅទេសចរណ៍ដ៏ល្អៗរបស់កម្ពុជាទាំង៤រាជធានីខេត្តខាងលើនិងត្រូវបានធ្វើការផ្សព្វផ្សាយដល់ភ្ញៀវទេសចរណ៍អន្តរជាតិរាប់លាននាក់នៅទូទាំងពិភពលោកបានស្គាល់។លោកបន្តថាតាមរយះកម្មវិធីទិវាយោគ:អន្តរជាតិនេះដែរកម្ពុជានិងប្រែក្លាយជាគោលដៅទេសចរណ៍ស្អាតនិងបៃតងប្រកបដោយភាពទាក់ទាញនិងផ្តល់ភាពកក់ក្តៅដល់ភ្ញៀវទេសចរណ៍តាមរយះការជំរុញអភិវឌ្ឍន៍ផលិតផលទេសចរណ៍ថ្មីៗថែមទៀតតាមរយះការបង្កើតកន្លែងកំសាន្តទេសចរណ៍អោយបានច្រើន.អភិវឌ្ឍន៍ទេសចរណ៍កីឡា.ទេសចរណ៍សាសនាជាដើម។លោកបន្តថាក្រៅពីនេះក៏នៅមានគោលដៅដែលត្រូវបន្តរួមគ្នាផងដែររួមមាន:បន្តបណ្តុះបណ្តាលធនធានមនុស្សក្នុងវិស័យទេសចរណ៍រួមទាំងជំនាញនិងទាំងភាសាដើម្បីជំរុញការផ្សព្វផ្សាយទេសចរណ៍កម្ពុជានៅលើទីផ្សារអន្តរជាតិធំៗនិងជំរុញការគ្រប់គ្រងនិងប្រើប្រាស់ប្រព័ន្ធបច្ចេកវិទ្យាពត៌មានវិទ្យារួមជាមួយការសម្រួលការធ្វើដំណើរនិងការដឹកជញ្ជូនភ្ញៀវទេសចរណ៍ប្រកបដោយគុណភាពនិងសុវត្ថិភាពហើយបន្តអនុវត្តច្បាប់ស្តីពីទេសចរណ៍ជាពិសេសផ្សព្វផ្សាយីទំនៀមទម្លាប់ខ្មែរយើងអោយបានទូលំទូលាយដល់ភ្ញៀវទេសចរណ៍ដែលជាកត្តាសំខាន់។ក្រៅពីនេះលោកថាត្រូវបន្តជំរុញទេសចរណ៍ក្នុងស្រុកនិងបន្តរៀបចំសណ្តាប់ធ្នាប់អនាម័យតាមទីក្រុងទីប្រជុំជនអោយកាន់តែល្អដូចជាបន្ទប់អនាម័យស្អាតនិងរក្សាបរិស្ថានល្អនៅតាមតំបន់ទេសចរណ៍នានាដែលជាគោលដៅសំខាន់ៗដើម្បីតម្រូវការដល់ភ្ញៀវទាំងជាតិនិងអន្តរជាតិ៕សៅ សារិទ្ធ
