សម្តេចក្រឡាហោមស.ខេងសំណេះសំណាលជាមួយសាសនិកឥស្លាមក្នុងខេត្តបាត់ដំបង

បាត់ដំបង:កាលពីព្រឹកថ្ងៃទី១៧ខែមិថុនាឆ្នាំ២០១៨នៅសាលមហោស្រពស្ទឹងសង្កែសម្តេចក្រឡាហោមស.ខេងអនុប្រធានគណបក្សប្រជាជនកម្ពុជានិងជាប្រធានក្រុមការងារចុះជួយខេត្តបាត់ដំបងបានជួបនិងធ្វើការសំណេះសំណាលជាមួយនិងបងប្អូនសាសនិកឥស្លាមខេត្តបាត់ដំបងដោយមានភាពស្និតស្នាលបំផុត។លោកស៊ូ.អារ៉ាហ្វាត់អភិបាលរងខេត្តនិងជាប្រធានគណចលនាឥស្លាមខេត្តបាត់ដំបងបានលើកឡើងនៅក្នុងឱកាសសំណេះសំណាលនោះថានៅក្នុងពិធីសំណេះសំណាលនាពេលនេះគឺជាថ្ងៃនៃពិធីបុណ្យបញ្ចាប់នៃការស្រាយបួសរបស់សាសនាបងប្អូនឥស្លាមនៅថ្ងៃទី១៧ខែមិថុនាឆ្នាំ២០១៨ផងដែរ។លោកបានឲ្យដឹងបន្តថាបន្ទាប់ពីបានបញ្ចប់ការស្រាយបួសរបស់បងប្អូនសាសនិកឥស្លាមចំនួន១៥០០នាក់ក៏បានមកជួបជុំគ្នាដើម្បីចូលរួមទទួលយកនូវការអប់រំផ្សព្វផ្សាយពីគោលនយោបាយដ៏ត្រឹមត្រូវរបស់គណបក្សប្រជាជនកម្ពុជាដែលមានសម្តេចក្រហោមជាគណះអធិបតីនាពេលនេះ។ថ្លែងទៅកាន់សាសនិកឥស្លាមចំនួន១៥០០នាក់នោះដែរសម្តេចក្រឡាហោមស.ខេងបានបញ្ជាក់ថាកម្ពុជាបានដាក់ចេញនូវគោលនយោបាយអន្តរជាសាសនាស្ថិតក្រោមដំបូលរដ្ឋធម្មនុញ្ញនៃព្រះរាជាណាចក្រកម្ពុជាក្នុងឆ្នាំ១៩៩៣ដោយក្នុងនោះព្រះពុទ្ធិសាសនាជាសាសនារបស់រដ្ឋហើយកម្ពុជាទទួលបានសេរីភាពគ្រប់បែបយ៉ាងសម្រាប់ជំនឿសាសនានីមួយៗទៅតាមការជឿរបស់បងប្អូនម្នាក់ៗដើម្បីជាប្រយោជរបស់ប្រជាពលរដ្ឋដែលបានតាំងចិត្តគោរពប្រតិបត្តិបង្កើតបាននូវសុខដុមរម្យនាក្នុងជីវិតរស់នៅ។សម្តេចលើកឡើងបន្តថាក្នុងនោះដែរប្រទេសកម្ពុជាយើងដោយសាតែមានកិច្ចខិតខំប្រឹងប្រែងរបស់គណះបក្សប្រជាជនកម្ពុជាកន្លងទៅទើបទទួលបានសុខសន្តិភាពមានរយៈពេល២០ឆ្នាំមកហើយចាប់ពីឆ្នាំ១៩៩៨ដល់ឆ្នាំ២០១៨ចុងក្រោយនេះ។សម្តេចបន្តថាក្នុងរយៈពេលសន្តិភាព២០ឆ្នាំនោះដែរគណបក្សប្រជាជនកម្ពុជាបានធ្វើពលិកម្មគ្រប់បែបយ៉ាងដើម្បីបុព្វហេតុនៃការកសាងនិងអភិវឌ្ឍប្រទេសឥត់ឈប់ឈជាបន្តបន្ទាប់រហូតឈានដល់បច្ចុប្បន្នរួមនិងកសាងធន់ធានមនុស្សរក្សាសន្តិសុខសុវត្ថភាពជូនដល់ប្រជាពលរដ្ឋទូទាំងប្រទេសអោយរស់ក្រោមម្លប់សន្តិភាពយ៉ាងពិតប្រាកដ៕សៅ សារិទ្ធ