កណ្តាល ៖ នៅព្រឹកថ្ងៃទី ៥ ខែសីហា ឆ្នាំ ២០១៨ នេះ លោក លឹម គានហោ ប្រធានគណៈពង្រឹងមូលដ្ឋានស្រុកពញាឭ ខេត្តកណ្តាល បានចុះជួបបងប្អូនកម្មករ កម្មការិនី ប្រមាណជាង ១ ៧០០០ នាក់ ស្ថិតនៅក្នុង
ឃុំកំពង់អុស ។
លោក លឹម គៀនហោ បានថ្លែងអំណរគុណ យ៉ាងជ្រាលជ្រៅ ចំពោះបងប្អូនប្រជាជនទូទាំងប្រទេស ដែលបានអញ្ជើញទៅបោះឆ្នោត ពិសេសបងប្អូនប្រជាពលរដ្ឋ ស្រុកពញាឭ រួមនឹងកូន ក្មួយ ដែលជាកម្មករ កម្មការិនី ដែលបានបោះឆ្នោត ជូនគណៈបក្សប្រជាជនកម្ពុជា ។
លោក លឹម គានហោ បានថ្លែងថា គណបក្សប្រជាជនកម្ពុជាឈ្នះឆ្នោត គឺជាជ័យជម្នះរបស់យើងទាំងអស់គ្នា ជាជ័យជម្នះរបស់ជាតិយើងទាំងមូល។ ដូច្នេះសូមពុកម៉ែបងប្អូន ចាប់ពីពេលនេះ សូមកុំធ្វើការបែងចែកប្រជាពលរដ្ឋណាម្នាក់ ដែលបានបោះឆ្នោតគាំទ្រគណបក្សផ្សេង ឬមិនទៅបោះឆ្នោត ព្រោះយើងជាខ្មែរដូចគ្នា ត្រូវចេះសាមគ្គីគ្នា គោរពស្រលាញ់គ្នា និងចូលរួមកសាង អភិវឌ្ឍន៍ ភូមិ ឃុំ ស្រុករបស់យើងឲ្យមានការរីកចម្រើន រក្សាបាននូវភាពសុខសាន្តបន្តទៀត។
សូមស្តាប់ប្រសាសន៍ លោក លឹម គានហោ ៖