តាកែវ ៖ បទល្មើសនេសាទនៅក្នុងទឹកដីខេត្តតាកែវ ហាក់ក្លាយជាមហារីក ដែលគ្មាននរណា អាចព្យាបាលបាន ។ ពីមួយឆ្នាំ ទៅ មួយឆ្នាំ ល្បិចកលក្រុមប្រព្រឹត្តបទនេសាទ តែងប្រើរូបភាព ផ្លាស់ប្តូរ មនុស្ស អោយមកទទួលខុសត្រូវក្នុងការចុះប្រមូលលុយពីកូនក្រុមរបស់គេ បានរាប់សែនដុល្លាក្នុងមួយឆ្នាំៗ យកទៅចែកគ្នា តាមថានានុក្រម តូចតាមតូច ធំ តាមធំ ។
នៅឆ្នាំនេះ ដោយមានការផ្លាស់ប្តូរចៅហ្វាយខេត្តថ្មី សកម្មភាពហាក់លាក់បំពូនអ្នកនៅក្រោយខ្នង ដោយគេមិនចេញមុខ តែអោយកូនចៅគេចេញរកស៊ីជំនួស ។ ជាជាក់ស្តែងនៅស្រុកអង្គរបុរី ដែលក្រុមសារព័ត៌មានបានចុះផ្តិតរូបភាព និង សាកសួរព័ត៌មានពីប្រជាជននៅទីនោះថា លោក កេរ ជាអ្នកជិះទូកប្រមូលលុយ ពីក្រុមបទល្មើសទាំងនោះ ។
ប្រជាពលរដ្ឋថា លោក កេរ នេះមានខ្នងរឹងមាំ នៅពីក្រោយ គឺនៅ ឡេះ ដែលជាស្តេចក្រាញ់ លើជំនួញសំរបសំរួល អោយមានបទល្មើសនេសាទ ប្រកបដោយភាពរលូន ។
មជ្ឃដ្ឋាន ទូទៅបាននិយាយបើ មន្រ្តីពាក់ព័ន្ធនានា ក្នុងខេត្តតាកែវ បាននាំគ្នាបិទភ្នែកនោះទេ ប្រាកដជាគ្មានរឿងនេះកើតឡើងនៅក្នុងទឹកដី របស់ខ្លួននោះឡើយ ។
