ចេញផ្សាយថ្ងៃទី 2 ខែកក្កដា ឆ្នាំ 2019
ការិយាល័យ៖ ព្រះនរាយណ៍ 017 45 27 36
កំពង់ឆ្នាំង ៖ បន្ទាប់ពីការផ្សាយ របស់អង្គភាពគេហទំព័រ ព្រះនរាយណ៍កាលពីថ្ងៃទី ១ ខែកក្កដា ឆ្នាំ ២០១៩ ក្រោមចំណងជើងថា តើស្នងការខេត្តកំពង់ឆ្នាំងយកតួនាទីនិង អំណាចមកបំរើប្រជាពលរដ្ឋ រឺ យកមកបំភិតបំភ័យ និង បំផ្លាញសេចក្តីសុខប្រជាជន ? រួចមកនៅព្រឹកថ្ងៃទី 2 ខែកក្កដា នេះ លោកឧត្តមសេនីយ៍ទោ ខូវ លី ស្នងការនគរបាល ខេត្តកំពង់ឆ្នាំង បានទំនាក់ទំនងមកការិយាល័យ ព្រះនរាយណ៍ យើងដោយបានស្នើអោយជួយកែសំរួល អត្ថបទដែលបានផ្សាយកន្លងមក ។លោកឧត្តមសេនីយ៍ទោ បានបញ្ជាក់ថា លោកជាអ្នកបំរើរាស្រ្ត មិនធ្វើបាបរាស្រ្ត ហើយការចាប់ប្រជាជនប៉ុន្មាននាក់កន្លងមក នោះ គឺ តាមការបញ្ជា ពីលោកអភិបាលខេត្ត ដែលមានគេរាយការណ៍ ថាមានប្រជាជនកំពង់ឈូសឆាយដីគំរបព្រៃឈើ ។លោកថា ពេលចុះចាប់នោះ គឺខាងប្រជាជនមិនព្រមសហការ ខ្លះមានកាំបិត ផ្កាក់ ជាដើម តវ៉ាមិនអោយប៉ូលីសធ្វើការ ។សូមស្តាប់ ការបំភ្លឺ ពីលោក ស្នងការខេត្តកំពង់ឆ្នាំង តាមរយៈសំលេងទូរសព្ទ ដូចតទៅ។
ដោយឡែក លោកស្រី មេឃុំជៀប កន្លងមកធ្លាប់ផ្តល់បទសំភាស មកក្រុមការងារយើង ដោយលោកស្រី បានបញ្ជាក់ដី របស់ប្រជាជនដែលកំពុងឈូសឆាយនោះមានចំនួន ៥ហិកតា ដោយមានការទទួលស្គាល់ពីលោកមេឃុំចាស់ ចាស់ពីឆ្នាំ ២០០៨ មកម្លេះ ។ សូមស្តាប់សំដី លោកស្រី មេឃុំជៀប ដូចតទៅ ។
សម្តេចនាយករដ្ឋមន្រ្តីធ្លាប់បានមានប្រសាសន៍ហើយ ថា ប្រជាជនដែលបានដាំដុះ និង រស់នៅនឹង ចែកអោយគាត់ទៅ ។សូមស្តាប់ប្រសាសន៍សម្តេច ។
មតិមហាជនបានលើកជាចំងល់ថា លោក ជួន ឌិប រស់នៅស្រែរបង ឃុំជៀប ស្រុកទឹកផុស ខេត្តកំពង់ឆ្នាំង ដែលបានអាស្រ័យផល នៅលើដីចំនួន ៥ហិកតា តាំងពីឆ្នាំ ២០០៥មកឆ្នាំ ហើយបើគិត មកដល់ឆ្នាំ ២០១៩ នេះមានរយៈពេល ១៤ឆ្នាំទៅហើយ និងមានការទទួលស្គាល់ពីអាជ្ញាធរភូមិ ឃុំ ទៀត ។តើគាត់ អាចសុំល្មម ទទួលបានប្លង់កម្មសិទ្ធិបានរឺនៅ ?
សូមបញ្ជាក់ថា នៅព្រឹកថ្ងៃទី 2 ខែកក្កដា នេះ ម្ខាស់អាត្រាក់បានយកលិខិតទៅ ដាក់នៅខាងតុលាការខេត្តកំពង់ឆ្នាំង ។ តែខាងតុលាការថាមិនដឹង ដោយមកអោយសួររដ្ឋបាលព្រៃឈើវិញ ។តែខាងរដ្ឋបាលព្រៃឈើថា តុលាការ ជាអ្នកសំរេច ខាងលោក មិនមានសិទ្ធិទេ ៕