ខេត្តស្ទឹងត្រែង៖ក្រោយមានការផ្សព្វផ្សាយយ៉ាងផុលផុសអំពីករណី លោកស្រី ប៊ុត កញ្ញា ជាភរិយារបស់លោក វរសេនីយ៍ត្រី ចន សាម៉ន ជាមេបញ្ជាការកងរាជអាវុធស្រុកសៀមបូក ខេត្តស្ទឹងត្រែង បានធ្វើលិខិតសុំអន្តរាគមន៍ដល់លោក នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលេីផ្ទៃប្រទេស ដើម្បីរកភាពយុត្តិធម៌ជូនស្វាមី ដោយចោទប្រកាន់ថា លោកឧត្តមសេនីយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថខេត្តស្ទឹងត្រែង បានដកបញ្ឈរជើងនិងចាប់ប្តី ដាក់ពន្ធនាគារ ។
ឥឡូវនេះ នាយឧត្ដមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស បានបញ្ជាឱ្យរៀបចំគណៈកម្មការចំពោះកិច្ចចុះធ្វើការត្រួតពិនិត្យករណីនេះ ។
លោកឧត្ដមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស ថ្លែងតាមបណ្ដាញសង្គមហ្វេសប៊ុក នាព្រឹកព្រលឹមថ្ងៃទី១៨ ខែសីហា នេះ ថា “ពាក់ព័ន្ធនឹងរឿងហេតុនៅបញ្ជាការដ្ឋានកងរាជអាវុធហត្ថខេត្តស្ទឹងត្រែង លោកនាយឧត្តមសេនីយ៍ សៅ សុខា បានបញ្ជាឱ្យរៀបចំគណៈកម្មការចំពោះកិច្ចចុះធ្វើការត្រួតពិនិត្យហើយ”។
សូមបញ្ជាក់ថា កាលពីថ្ងៃទី១៧ ខែសីហា ម្សិលមិញនេះ លោកស្រី ប៊ុត កញ្ញា ជាភរិយារបស់លោក វរសេនីយ៍ត្រី ចន សាម៉ន ជាមេបញ្ជាការកងរាជអាវុធស្រុកសៀមបូក ខេត្តស្ទឹងត្រែង បានធ្វើលិខិតសុំអន្តរាគមន៍ដល់លោក នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលេីផ្ទៃប្រទេស ដើម្បីរកភាពយុត្តិធម៌ជូនស្វាមី ដោយចោទប្រកាន់ថា លោកឧត្តមសេនីយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថខេត្តស្ទឹងត្រែង បានដកបញ្ឈរជើងនិងចាប់ប្តី ដាក់ពន្ធនាគារ ។
ក្នុងលិខិតនេះ បញ្ជាក់ថា កំឡុងឆ្នាំ២០១៥ លោក អៀង វ៉ាន់ឌី បានដកលោក ចន សាម៉ន មកបញ្ឈរជើង នៅទីបញ្ជាការដ្ឋានកងរាជអាវុធហត្ថខេត្តរយៈពេលជិត ៥ឆ្នាំ ដោយចោទប្រកាន់មិនគោរពបទបញ្ជា ដោយកាលនោះលោក ឧត្តមសេនីយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថខេត្តស្ទឹងត្រែង ឲ្យលោកនាយសេនាធិកាកងរាជអាវុធហត្ថខេត្តទូរស័ព្ទប្រាប់គ្រួសារគាត់ទៅចាប់ឈើមួយកន្លែង តែគ្រួសារគាត់ឆ្លើយថា កន្លែងនោះគ្មានមានបទល្មើសឈើទេ គាត់ខឹង និងដកបញ្ឈរជើង ដាក់ពិន័យកងទ័ពនៅក្នុងបន្ទាយតែម្តង ។
