ខេត្តបាត់ដំបង÷វត្តមួយកន្លែងដែលស្ថិតនៅចំកណ្ដាលក្រុងបាត់ដំបងនិងមានព្រះសង្ឃជិត៨០អង្គដែលកំពង់គង់នៅរៀនបាលីយ៉ាងច្រើនផងកំពុងប្រឈមនឹងការដាច់ចង្ហាន់ខណៈដែលគណៈកម្មការវត្តធម្មយុតទើបប្រឈមក្នុងការចំណាយបច្ច័យរាប់លានរៀលទៅលើការព្យាបាលលោកនេនៗចំនួន១៦អង្គដែលទួលការវាយលុកពីជំងឺគ្រុនឈាមនាពេលកន្លងទៅ។ ការប្រឈមនឹងកំរឹតធ្ងន់ធ្ងរនេះហើយទើបចៅអធិការអាចារ្យរួមនិងគណះកម្មការវត្តបានអំពាវនាវជាបន្តបន្ទាប់និងតាមអ្នកសារពត៌មានផងដើម្បីអោយពុទ្ធបរិស័ទនិងសប្បុរសជននានាឲ្យជួយផ្គត់ផ្គងអាហារជាចង្ហាន់ឬជាម្ហូបអាហារនិងបច្ច័យក្តីទៅតាមសទ្ធាជ្រះថ្លារៀងៗខ្លួនផង។ព្រះចៅអធិការវត្តវត្តធម្មការាម(វត្តធម្មយុត)ព្រះនាមកែម.សុថេនកាលពីរសៀលថ្ងៃទី២០សីហាម្សិលមិញនេះបានអោយអ្នកសារពត៌មានដឹងថាវត្តធម្មការាម(វត្តធម្មយុត)នេះមានទីតាំងឋិតក្នុងភូមិដំណាក់ហ្លូងសង្កាត់វត្តគរក្រុងបាត់ដំបងហើយវត្តមួយនេះបានបង្កើតឡើងក្នងឆ្នាំ១៩៩៦ហើយពីមុនវត្តនេះពុំដែលប្រឈមនិងការដាច់ចង្ហាន់ដូចពេលនេះទេទើបតែបច្ចុប្បន្នដោយសាតែវត្តនេះបានទទួលបន្ទុកធ្ងន់លើការចំណាយព្យាបាលលោកនេនៗដែលភាគច្រើនកើតចេញពីក្មេងកំព្រាទើបវត្តត្រូវតែទទួលបន្ទុកម្យ៉ាងទៀតបច្ចុប្បន្នក៏មានព្រះសង្ឃចំនួន៧៧អង្គផងដែរដែលកំពុងគង់រៀនបាលីនៅក្នុងវត្តធម្មការាមនេះដែលភាគច្រើនជានេនតូចៗនិងសុទ្ធតែជាកូនកំព្រាទៀតផង។លោកអាចារ្យមាន.លាវបានអោយដឹងដែរថាវត្តធម្មការាមនាពេលបច្ចុប្បន្ននេះមានបើកសាលាបាលីដែលមានចំនួន៤ថ្នាក់មានព្រះសង្ឃនិមន្តមកពីតាមបណ្ដាវត្តនានាមកគង់រៀនបាលីនៅក្នុងវត្តនេះសរុបចំនួន៧៧អង្គហើយព្រះសង្ឃដែលបានចូលបួសក្នុងវត្តនេះភាគច្រើនក៏ជាកូនកំព្រាផងដែរដែលតម្រូវអោយខាងចៅអធិការវត្តនិងគណៈកម្មការវត្តជាអ្នកធានារ៉ាប់រងរាល់ការចំណាយស្ទើរទាំងស្រុងទើបមានផលលំបាកក្នុងពេលបច្ចុប្បន្ននិងថ្ងៃខាងទៀតនេះ។
បើទោះបីមានបន្ទុកបែបនេះក្តីវត្តនៅតែខិតខំរ៉ាប់រងបានខ្លះៗចំណែកចង្ហាន់ក្រៅពីនិមន្តបឹណ្ឌបាតបានក៏សូមអោយពុទបរិស័ទ្ធជិតឆ្ងាយមេត្តាជួយតាមជ្រះថ្លាផងជាបច្ច័យក្តីជាម្ហូបអាហារក្តីដើម្បីសម្រាប់វត្តដោះបន្ទុកអោយបានធូស្រាលខ្លះក្នុងពេលបច្ចុប្បន្ននិងថ្ងៃខាងមុខបន្តទៀត៕សៅ សារិទ្ធ
