ភ្នំពេញ ៖ នៅព្រឹកថ្ងៃទី ២៧/០៨/២០១៩ នេះ គណៈកម្មាធិការអចិន្ត្រៃយ៍គណបក្សកសិករ បានសំរចចិត្តដាក់លិខិតបណ្តឹងផ្លូវការទៅក្រសួងមហាផ្ទៃ និងជំរាបជូនដល់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បី សម្តេច បានជ្រាប និងមានវិធានការណ៌ និងចាត់ការស្របតាមនីតិវិធីច្បាប់ អំពីករណីផេកសារព័ត៏មានឈ្មោះ (សារព័ត៏មាន រួមកម្លាំង) ដែលចេញផ្សាយនូវព័ត៏មានក្លែងក្លាយមួយ ថា អាវុធហត្ថខេត្តកំពត ចាប់មេបក្សជួញដូរថ្នាំញៀន កាលពីថ្ងៃទី ២៥ ខែសីហា ឆ្នាំ២០១៩ គឺជាព័ត៏មានបំពុលដល់សង្គម ក្លែងក្លាយ លាបព័រណ៌ មានចេតនាទុច្ចរឹត ធ្វើឲ្យប៉ះពាល់ដល់កិត្តិយសនៃបុគ្គលសារធារណៈ ដែលជាថ្នាក់ដឹកនាំគណបក្សប្រចាំខេត្តក្រចេះ និងប៉ះពាល់ដល់កិត្តិយសនៃគណបក្សកសិករ ទាំងមូល ។
គណៈកម្មាធិការអចិន្ត្រៃយ៍នៃគណបក្សកសិករ និងសង្ឃឹមថា តាមរយៈបណ្តឹងផ្លូវការនេះ ក្រសួងមហាផ្ទៃ ក៏ដូចជាអគ្គស្នងការនគរបាលជាតិ កងរាជអាវុធហត្ថលើផ្ទៃប្រទេស ព្រមទាំងក្រសួងព័ត៏មាន និងស្វែងរកជនដែលនៅពីក្រោយខ្នងនៃការផ្សព្វផ្សាយព័ត៏មានក្លែងក្លាយនេះ យកមកផ្តន្ទាទោសតាមច្បាប់ជាធរមាន និងស្របតាមច្បាប់ស្តីពីរបបសារព័ត៏មាននៅកម្ពុជា ។
