សឹងថាមិនចង់ជឿ គូរស្នហ៍មានប្តី ប្រពន្ធ ទៅហើយ បាន នាំគ្នាលេបថ្នាំសំលាប់ខ្លួននៅផ្ទះសំណាក់ សុខា សម្បត្តិ ក្រុងតាខ្មៅ ខេត្តកណ្តាល ស្លាប់ខាងស្រី ខាងប្រុស កំពុងសង្គ្រោះ ។

ខេត្តកណ្តាល ៖ ហាក់មិនគួរអោយជឿ ខណៈ គូរស្នេហ៍១គូរ ដោយខាងប្រុសមានប្រពន្ធនិង ខាងស្រីមានប្តី រួចទៅហើយ បាននាំលេបថ្នាំ ផ្តាសសាយ រហូតហួសកំរិតធ្វើអោយខាងស្រីស្លាប់នៅក្នុងផ្ទះសំណាក់ ចំណែកខាងប្រុសកំពុងសង្គ្រោះនៅមន្ទីរពេទ្យ។

ហេតុការណ៍នេះបានកើតឡើងនៅថ្ងៃទី ៣១ ខែសីហាម្សិលមិញ វេលាម៉ោង១៥៖១០នាទី នៅចំណុចកើតហេតុផ្ទះសំណាក់ សុខា សម្បត្តិ បន្ទប់លេខA១០១ ផ្លូវ១១០ ភូមិថ្មី២ សង្កាត់តាខ្មៅ ក្រុងតាខ្មៅ ខេត្តកណ្តាល។

ខាងស្រីដែលបានស្លាប់ដូចបំណងនោះមានឈ្មោះ មួន ចាន់នឿន អាយុ២៩ឆ្នាំ មុខរបររោងចក្រកាត់ដេរ ជនជាតិខ្មែរ ទីលំនៅស្នាក់​នៅភូមិលេខ៤ សង្កាត់ស្វាយរលំ ក្រុងតាខ្មៅ ខេត្តកណ្តាល។

ខាងប្រុសដែលកំពុងសង្រ្គោះនៅមន្ទីរពេទ្យជ័យជំនះ នោះមានឈ្មោះ យ៉ែម នៅ ភេទប្រុស អាយុ៣២ឆ្នាំ ។
រឿងរ៉ាវដ៏កំរ នេះ សឹងថា ពិបាកជឿ ដោយថា ខាងស្រីក៏មានប្តី ឯខាងប្រុសក៏មាន ប្រពន្ធ ហើយបាននាំគ្នាលួចសាហាយស្មន់ នឹងគ្នា រហូតនាំគ្នា សំលាប់ខ្លួនទៅទៀត ។ តើមានអ្វីកើតឡើងចំពោះអ្នកទាំង២ ហើយរឿងនេះ តើវាជះឥទ្ធិពលអ្វីខ្លះដល់សង្គមគ្រួសារ និង សង្គមជាតិ ? ៕