ខេត្តស្វាយរៀង ÷នារសៀលថ្ងៃទី ១២ ខែកញ្ញា ឆ្នាំ២០១៩នេះ ឯកឧត្តម ម៉ែន វិបុល ប្រធានគណៈកម្មាធិការគណបក្សប្រជាជនកម្ពុជាខេត្តស្វាយរៀង បានអញ្ជើញជាអធិបតីក្នុងពិធីប្រកាសទទួលស្គាល់លោក ហែម សារិទ្ធ ជាប្រធានគណៈកម្មាធិការគណបក្សប្រជាជនកម្ពុជាស្រុកស្វាយជ្រំ ។
អញ្ជើញចូលរួមក្នុងពិធីនេះមាន ឯកឧត្តម លោក លោកស្រី សមាជិក សមាជិការគណបក្ស និងក្រុុមការងារគណបក្សចុះជួយស្រុក ឃុំ ជាច្រើនរូបទៀត។
មានប្រសាសន៍នៅក្នុងពិធីនេះឯកឧត្តមប្រធានគណបក្សខេត្តបានថ្លែងនូវការកោតសសើ និងអរគុណចំពោះលោក សុទ្ធ គឹមចាន់ នាពេលកន្លងមកបានអនុវត្តតួនាទីភារកិច្ចបានយ៉ាងល្អក្នុងនាមជាប្រធានក្រុមប្រឹក្សាស្រុកផង និងមានតួនាទីជាប្រធានគណបក្សស្រុកស្វាយជ្រំផងហើយបានធ្វើអោយស្រុកស្វាយជ្រំមានការរីកចម្រើនរួមទាំងកត្តាសន្តិសុខសណ្តាប់ធ្នាប់សាធារណៈល្អប្រសើរហូតដល់បច្ចុប្បន្ន។
ឯកឧត្តមបន្តទៀតថា គណបក្សប្រជាជនកម្ពុជា ក្រោមគោលនយោបាយនៃមាគ៌ាដឹកនាំដ៏ត្រឹមត្រូវប្រកបដោយគតិបណ្ឌិតរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា រួមនិងថ្នាក់ដឹកនាំកំពូលៗរបស់គណបក្ស បានធ្វើឲ្យគណបក្សប្រជាជនកម្ពុជាក្លាយជាគណបក្សដែលធំជាងគេ និងមានប្រជាប្រិយភាពព្រមទាំងមានការគាំទ្រដ៏ច្រើនលើសលប់ពីសំណាក់ប្រជាពលរដ្ឋ។
ជាចុងបញ្ចប់ឯកឧត្តមប្រធានគណបក្សប្រជាជនកម្ពុជាខេត្តស្វាយរៀង បានផ្តាំផ្ញើដល់លោកហែម សារិទ្ធ ប្រធានគណបក្សប្រជាជនកម្ពុជាដែលត្រូវបានប្រកាសទទួលស្គាល់នាពេលនេះ នូវចំណុចសំខាន់ៗមួយចំនួនដូចជា៖
– ត្រូវខិតខំប្រឹងប្រែងដឹកនាំកសាងស្រុកឲ្យមានការរីកចម្រើនថ្មីៗបន្ថែមទៀត។
– ត្រូវបង្កើនការពង្រឹងសាមគ្គីភាព ឯកភាពផ្ទៃក្នុងបក្សឲ្យបានកាន់តែរឹងមាំ ដោយឈលើមាគ៌ាមហាជនរបស់គណបក្សទាំងខាងនយោបាយ និងសតិអារម្មណ៍ និងការចាត់តាំងដោយឈរលើគោលការណ៍។
– ត្រូវបន្តការសហការ នឹងមានទំនាក់ទំនងល្អជាប់ជានិច្ចជាមួយសមាជិក សមាជិការ គណបក្សនៅគ្រប់មូលដ្ឋាន ដើម្បីចូលរួមដោះស្រាយនូវបញ្ហាផ្សេងៗរបស់ប្រជាពលរដ្ឋឲ្យបានទាន់ពេលវេលា និងចំគោលដៅ។
-ត្រូវចុះជួបប្រាស្រ័យទាក់ទង់ជាមួយប្រជាពលរដ្ឋនៅគ្រប់មូលដ្ឋាន ដោយក្តាប់ឲ្យបានច្បាស់លាស់នូវបញ្ហាប្រឈមនិងការលំបាករបស់ប្រជាជនទូទៅ និងត្រូវរិះរកគ្រប់មធ្យោបាយដើម្បីដោះស្រាយសម្រួលឲ្យបានទាន់ពេលវេលា។
-អាជ្ញាធរឃុំនិងកម្លាំងប្រដាប់អាវុធត្រូវបន្តការយកចិត្តទុកដាក់អនុវត្តគោលនយោបាយភូមិឃុំមានសុវត្ថិភាពឲ្យទទួលបានលទ្ធផលជោគជ័យ និងការការពារសន្តិសុខសណ្តាប់ល្អប្រសើជូនប្រជាពលរដ្ឋ។
– ត្រូវពង្រឹងការតាមដានគ្រប់គ្រងគ្រោះមហន្តរាយ ក្នុងការចាត់វិធានការពិនិត្យ និងធ្វើបច្ចុប្បន្នភាពទីទួលមានសុវត្ថិភាពដែលមានស្រាប់ ក្នុងករណីមានទឹកជំនន់កើតឡើងជាយថាហេតុ។
– ត្រូវហាមដាច់ខាតចំពោះប្រជាពលរដ្ឋជួលដីឲ្យទៅប្រជាជនប្រទេសជិតខាង។
– ត្រូវធ្វើការណែនាំប្រជាពលរដ្ឋឲ្យមានការប្រុងប្រយ័ត្នចំពោះគ្រោះធម្មជាតិផ្សេងៗដូចជា បាតុភូត ផ្គររន្ទះជាដើម៕ដោយ=សុខហ៊រ
