ខេត្តកណ្តាល :ដីបឹងសាធារណ របស់រដ្ឋ នៅចំណុចភូមិនៅក្នុងភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្តាល ជាង៤០ ហិកតា បានក្លាយជា ចំណីរបស់ក្រុមស្រេចឃ្លានដីរដ្ឋ បឹងរដ្ឋ មិនចេះអស់ មិនចេះហើយ កំពុងបោះបង្គោល នឹងបានដោតទង់ក្រណាត់ ជាចំណាំ ផងដែរ ។
ប្រជាពលរដ្ឋ បានប្រាប់សារព័ត៌មាន ក្នុងស្រុកមួយថា ក្នុងចំណោមក្រុមឈ្មួញគ្រាក់ៗ នោះ ក៏មានដីពាក់ព័ន្ធរបស់លោកឧត្តមសេនីយ៍ត្រី ស្រេង សុខា ស្នងការរងនគរបាលខេត្តកណ្តាល ដែលបច្ចុប្បន្នក្រុមអធិការកិច្ចរបស់រដ្ឋបាលខេត្តកណ្តាល កំពុងបើកការស៊ើបអង្កេត យ៉ាងយកចិត្តទុកដាក់ ។ តែលទ្ធផល ប្រហែលមានការអន្តរាគមន៍ ហើយក៏មិនដឹង ?
ប្រជាជនថា ពួកគាត់ធ្លាប់អាស្រ័យផល លើបឹង នោះ តែក៏មិនដឹងថា លោក ស្រេង សុខា ស្នងការរង នោះគាត់មានការទិញ និងមានប្លង់កំរិតណានោះទេ ព្រោះពួកគាត់ជាប្រជាជន មិនដឹងរឿងកិច្ចការថ្នាក់ធំ ៗ នោះទេ ។
ទោះជាយ៉ាងនេះក្តី ប្រជាជនសង្ឃឹមថា អភិបាលខេត្តថ្មី ដែលទើបឡើងកាន់ដំណែង មិនទាន់ដឹងលិចកើតនោះ សួនជួយពន្យល់រឿងនេះ ដល់ប្រជាជន ក៏ដូចសារព័ត៌មាន អោយបានដឹងជាក់ច្បាស់ ថាតើ អ្វីជាប្លង់កម្មសិទ្ធិ លើបឹង របស់បឹង របស់រដ្ឋ ។
ទាក់ទងករណីនេះ អង្គភាពគេហទំព័រ ទូរទស្សន៍ ព្រះនរាយណ៍ យើងនៅមិនអាចរកការបំភ្លឺពីលោក ចៅសង្កាត់រកាខ្ពស់ ក៏ដូចស្នងការរង ស្រេង សុខា បានទេ នៅរសៀលថ្ងៃទី ១៨ ខែមិនា ឆ្នាំ ២០២០ នេះ ៕
