ខេត្តកណ្តាល /នៅថ្ងៃទី២៩ មេសា ២០២០ កន្លងមកនេះ លោកជំទាវ ឃួន សុដារី អនុប្រធានទី២រដ្ឋសភាជាតិ បានអញ្ជើញជួនសំណេះសំណាលជាមួយមន្ត្រីរដ្ឋបាលភូមិ ឃុំ ទូទាំងស្រុកលើកដែក ខេត្តកណ្តាល ។
ក្នុងឱកាសនោះលោកជំទាវ ក៏បានលើកឡើងពីស្ថានភាពជំងឺរាតត្បាតកូវិដ១៩ មកដល់ពេលនេះ កម្ពុជាទើបតែមានអ្នកឆ្លង ចំនួន១២២នាក់ និងត្រូវបានព្យាបាលឱ្យជាសះស្បើយ ដោយនៅសល់តែ៣នាក់ កំពុងសម្រាក់ព្យាបាល ហើយមកដល់ពេលនេះ ពុំទាន់រកឃើញអ្នកឆ្លងថ្មីក៏ដោយ ក៏មិនត្រូវភ្លេចខ្លួននោះដែរ ព្រោះជំងឺនេះ ហាក់បីដូចជាបិសាចគ្មានស្រមោល និងងាយឆ្លងណាស់ ប្រសិនបើយើងមានការធ្វេសប្រហេស ឬមិនបានអនុវត្តតាមការណែនាំរបស់ក្រសួងសុខាភិបាល។
ជាមួយគ្នានោះ លោកជំទាវ ក៏បានផ្តល់នូវការឧត្ថមនូវអង្គចំនួន៩,៥តោន មី៣០កេស ទឹកត្រី៣០យូរ ទឹកស៊ីអ៊ីវ៣០យួរ អំបិល៣០យួរ ជែល លាងដៃ២០កេស និងថវិកាចំនួន១៨៥លានរៀល ដល់រដ្ឋបាលស្រុកដើម្បី ផ្តល់ជូនប្រជាពលរដ្ឋដែលមានជីវភាពខ្វះខាត ក្នុងដំណាក់កាលប្រយុទ្ធប្រឆាំងកូវីត១៩ ផងដែរ ដែលក្នុងនោះ លោកស្រី ជុំ ផល្លី ក៏បានជួយឧបត្ថមនូវអង្ករ៣តោន ទឹកត្រី និងទឹកស៊ីអ៊ីវ៦០យួរ មី៣០កេស អំបិល៣០យួរ ជែល លាងដៃ២០កេស និងថវិកា៥លានរៀល ផងដែរ នេះជាការយកចិត្តទុកដាក់ខ្ពស់របស់គណៈពង្រឹង និងលោកស្រី ជុំ ផល្លី ដែលជាម្ចាស់ឧបត្ថម្ភ តែងតែគិតគូរពីសុខទុក្ខនៅពេលដែលមានការលំបាក ក៏ដូចជាការចែករំលែកនូវសេចក្តីស្រលាញ់ជូនបងប្អូននៅទូទាំងស្រុកផងដែរ៕
