រាជធានីភ្នំពេញ :លោក ម៉ែន ណារ៉ុង អាយុ ៥៥ឆ្នាំ ជនជាតិខ្មែរ ផ្ទះលេខ៤០ ផ្លូវលេខ២B១ សង្កាត់ទឹកថ្លា ខណ្ឌសែនសុខ រាជធានីភ្នំពេញ ។បានធ្វើលិខិតទៅ
ក្រសួងយុត្តិធម៌ដោយស្នើសុំពន្លឿនជំរុំជំរះ សំណុំរឿងព្រហ្មទណ្ឌលេខ២៥៤ ចុះថ្ងៃទី១៨ ខែមេសា ឆ្នាំ២០១៨ របស់អយ្យការអមសាលាដំបូងខេត្តកំពត។
នៅក្នុងលិខិតដែលបានបោះត្រាចូលក្រសួងយុត្តិធម៌នៅព្រឹកថ្ងៃទី២២ ខែឧសភា ឆ្នាំ២០២០ នេះបានបញ្ជាក់ថា
នៅថ្ងៃទី០២ ខែសីហា ឆ្នាំ២០១៨ តំណាងអយ្យការ ឈ្មោះ(ជ័យ រិទ្ធី)បានចេញដីការសន្និដ្ឋានបញ្ជូនរឿងអោយស៉ើបសួរ ដោយបានសម្រេចបើកការស៊ើបសួរលើអង្គហេតុខាងលើនិងដាក់ឲ្យស្ថិតនៅក្រោមការពិនិត្យ:
១ ឈ្មោះ សឿ សំខាន់ ភេទប្រុសអាយុ៥២ឆ្នាំ។
២ លើឈ្មោះកៅចាន់រ៉ានី ភេទស្រីអាយុ៥៥ ឆ្នាំ។
៣ លើឈ្មោះ កៅសីហា ភេទស្រីអាយុ៥០ឆ្នាំ។
ដាក់ឲ្យស្ថិតនៅក្នុងការឃុំខ្លួនបណ្តោះអាសន្នដើម្បីធានារក្សាទុកជនត្រូវចោទជូនតុលាការតាមនីតិវិធី។ តែចាប់ពីថ្ងៃទី០២ ខែសីហា ឆ្នាំ២០១៨ រហូតដល់ថ្ងៃទី២១ ខែឧសភា ឆ្នាំ២០២០ នេះគឺមានរយៈពេលជិត០២ ឆ្នាំទៅហើយ ដែលរូបលោកមិនទាន់ទទួលបានភាពយុត្តិធម៌នៅឡើយ។
លោកសង្ឃឹមយ៉ាងមុតម៉ាំថា សំណុំរឿងរបស់លោកនឹងដើរទៅមុខ និងទទួលបានយុត្តិធម៌ពិតប្រាកដ ក្រោមការដឹកនាំរបស់ឯកឧត្តម កើត រិទ្ធ រដ្ឋមន្រ្តីក្រសូងយុត្តិធម៌ ៕
