ខេត្តបាត់ដំបង : នៅព្រឹកថ្ងៃទី១០ ខែមិថុនា ឆ្នាំ២០២០ នេះ លោក សៅ សារិទ្ធ បាននាំយកថវិការបស់មូលនិធិ ទូរទស្សន៍ ព្រះនរាយណ៍ ទៅប្រគល់ជូនជនរងគ្រោះដោយសារជាន់មីន៦៩ ចំនួន២នាក់ ។
ទៅដល់គេហដ្ឋានជនរងគ្រោះអ្នកទាំង២
នៅក្នុងភូមិបុសខ្នុរ ឃុំចែងមានជ័យ ស្រុកបាណន់ ខេត្តបាត់ដំបង លោក សៅ សារិត បានប្រគល់ថវិកា ចំនួន៣០ម៉ឺនរៀល
ជូនដល់ក្រុមគ្រួសារដែលបានស្លាប់ និង ជនរងគ្រោះស្រាលម្នាក់ទៀត ចំនួន ២០ម៉ឺនរៀល ។
យុវជនដែលរងរបួសស្រាល ឈ្មោះ
ធាង.ធួន អាយុ១៨ឆ្នាំ បាននិយាយប្រាប់ថា នៅពេលចូលដាក់អន្ទាក់សត្វនោះ ប្អូនបានដើរពីក្រោយចំងាយប្រមាណ១០ម៉ែត្រ ពីអ៊ំប្រុសដែលបានជាន់មីនស្លាប់នោះ ។
សូមបញ្ជាក់ថា យោងតាម លោកប៉ាង.ហៀងអធិការស្រុកគាស់ក្រឡបានអោយដឹងថា ហេតុការនោះបានកើតឡើងនៅថ្ងៃទី០៩ខែមិថុនាឆ្នាំ២០២០នេះវេលាម៉ោង០៩:៣០នាទីនៅត្រង់ចំណុចអូរទ្រូងអណ្តើក ភូមិព្រៃទទឹង ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង ។
លោកបន្តថាពួកគេ បានដើរចូលព្រៃដើម្បីដើរដាក់អន្ទាក់សត្វទទាដែលព្រៃនោះត្រូវគេដឹងថាជាតំបន់ចំការមីនហើយខណះដែលពលរដ្ឋទាំងពីរកំពុងតែដើរស្រាប់តែបានជាន់មីនប្រភេទ69បណ្តាលអោយផ្ទុះស្លាប់០១នាក់និងរបួស០១នាក់តែម្តង។
