រាជធានីភ្នំពេញ : បន្ទាប់ពីការបង្រ្កាបហាក់ក្តៅគគុក របស់ប៉ូលីសនៃអធិការនគរបាលខណ្ឌមានជ័យ កាលពីថ្ងៃទី ២៤ ខែឧសភា ឆ្នាំ ២០២០ ទៅលើក្រុមញៀនល្បែងមាន់ជល់ បៀ អាប៉ោង ស៊ីសងខុសច្បាប់១កន្លែង ស្ថិតនៅផ្លូវឌួងហៀប ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ដោយធ្វើការឃាត់ខ្លួនជនសង្ស័យបានចំនួន២៧នាក់ ក្នុងនោះមានអ្នកកាសែតចំនួន១៣នាក់ ក្រៅពីនោះជាកម្មករ និងអ្នករត់ម៉ូតូប៉ុណ្ណោះ តែដោយឡែកក្រុមពាក់ព័ន្ធនឹងការបើកអោយមានសៃវៀនប្រជល់មាន់នេះ ប៉ូលីសចាប់មិនបាន គេមិនដឹងថាមកពីមូលហេតុអ្វីនោះទេ ?
នៅថ្ងៃទី១៩ ខែកក្កដា ឆ្នាំ២០២០នេះវាហាក់មិនចំលែក រឺ ក្រុមញៀនល្បែងទាំងនេះ ពិសេសក្រុមបើកសៃវៀនជល់មាន់ មិនខ្លាចប៉ូលីស រឺច្បាប់អ្វីនោះ ទើបពួកគេ ត្រលប់មកបើកលេងវិញ នៅទីតាំងក្រោយរោងចក្រស៊ីម៉ង់ ស្ថិតនៅផ្លូវឌួងហៀប ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ហើយមានមេការមើលផ្លូវនិងជាក្រុមដដែល តែគ្រាន់គេដូរមេការធំចេញប៉ុណ្ណោះ ។
ប្រជាជនពលរដ្ឋ លក់ដូរម្តុំនោះបាននិយាយថា ពួកគេបានមកបើកទីតាំងដដែលនេះ មិនក្រោមកន្លះខែនោះទេ ហើយប្រហែលសប្តាហ៍ក្រោយគេ នឹងដូរទីតាំងមកផ្លូវលើវិញ ពោលគឺ គេតែងផ្លាស់ប្តូរទីតាំងម្តងនៅក្នុង និង ម្តងនៅក្រៅ ហើយអ្នកលេងតែងផ្ញើម៉ូតូ កង់បី និងឡាន នៅខាងក្រៅ សៃវៀន ។
ប្រជាពលរដ្ឋបានលើកឡើងថា កន្លែងនេះលេងកាន់ឆ្នាំមកហើយ គឺអាចខ្លាំង
រឺមានអំណាច ដូចនៅអរិយក្សត្រចឹង ទាល់សម្តេចតេជោហ៊ុនសែន បញ្ជា ទើបអាចបង្រ្កាបនិងចាប់បានមេក្លោងនៅទីនោះបាន ។ ប្រជាពលរដ្ឋចាំមើលថាទីតាំងល្បែងខុសច្បាប់១នេះ ខ្លាំងដល់ពេលណា រឺមួយក៏ត្រូវលេងល្បែងស្ពិនភ្នែកតទៅទៀត ?
