ដើរជីកទំពាំងកេះ១រណ្តៅខំតែអរស្មានកំណប់ទាល់តែជីកចំធ្លាយកេះទើបភ្ញាក់ផ្អើលប្តឹងដល់សមត្ថកិច្ច

ខេត្តបាត់ដំបង÷គ្រាប់កាំភ្លើងប្រភេទk477ជាច្រើនកេះត្រូវបានប្រជាកសិករប្រទះឃើញខណះដែលកសិកររូបនេះបានដើរជីកទំពាំងតាមបន្ទាន់ព្រំដែនកម្ពុជា.ថៃក៏ប្រទះឃើញតែម្តងហើយស្មានតែកំណប់ខំត្រេកអរដល់ពេលជីកចំកេះធ្លាយទើបមានការភ្ញាក់ផ្អើលរាយការណ៍ដល់សមត្ថកិច្ចតែម្តង។សមត្ថកិច្ចបានអោយដឹងថាការប្រទះឃើញគ្រាប់របស់កសិករនេះបានកើតឡើងកាលពីថ្ងៃទី២១ខែកក្កដាឆ្នាំ២០២០វេលាម៉ោង១៣:៣០នាទីនៅចំណុចក្រុមទី៦ភូមិស្រឡៅជ្រុំឃុំសិរីមានជ័យស្រុកសំពៅលូនខេត្តបាត់ដំបង។
សមត្ថកិច្ចបន្តអោយដឹងថាប្រជាពលរដ្ឋដែលជាអ្នកប្រទះឃើញកេះគ្រាប់មានឈ្មោះប៊ូ.ម៉ៅភេទប្រុសរស់នៅភូមិឃុំខាងលើខណះដែលគាត់បានដើរជីកទំពាំងតាមមាត់អូរព្រំដែនកម្ពុជា.ថៃក៏បានប្រទះឃើញគ្រាប់កាំភ្លើងប្រភេទK477ចំនួន១៩០០គ្រាប់(ខូចគុណភាព)ផលិតនៅប្រទេសចិន។ក្រោយពីសមត្ថកិច្ចបានទទួលសេចក្តីរាយការណ៍ពីកសិករសមត្ថកិច្ចជំនាញនគរបាលប៉ុស្តិ៍សេរីមានជ័យក៏បានចុះទៅពិនិត្យបានសន្និដ្ឋានថាគ្រាប់ទាំងនេះបានខូចគុណភាពហើយ។បច្ចុប្បន្នសមត្ថកិច្ចបានយកគ្រាប់ទាំងនេះមករក្សាទុកនៅកន្លែងអធិការដ្ឋានគរបាលស្រុក៕សៅ សារិទ្ធ