(ព្រៃវែង)…. នាថ្ងៃទី៣០ ខែតុលា ឆ្នាំ២០២០ ឯកឧត្តមនាយឧត្តមសេនីយ៍ សន្តិបណ្ឌិត ចាន់ អ៊ាន ប្រធានគណ:ពង្រឹងរាជរដ្ឋាភិបាលចុះជួយមូលដ្ធានឃុំព្រៃព្នៅ បានដឹកនាំក្រុមការងារ អញ្ជើញសាកសួរសុខទុក្ខ និងយកអំណោយទៅចែកជូនដល់បងប្អូនប្រជាពលរដ្ធទីទាល់ក្រចំនួន១៦៦គ្រួសារ ក្នុងភូមិចំនួន១០ នៃឃុំព្រៃព្នៅ ស្រុកពារាំង ខេត្តព្រៃវែង។
បន្ទាប់ពីលោក មេឃុំព្រៃព្នៅ បានធ្វើរបាយការណ៍សង្ខេប ស្តីពីស្ថានភាពទូទៅរបស់ឃុំព្រៃព្នៅ .សភាពការណ៍សន្តិសុខ និងសណ្តាប់ធ្នាប់សង្គមជូនគណ:អធិបតីរួច ឯកឧត្តម សន្តិបណ្ឌិត ចាន់ អ៊ាន បានមានប្រសាសន៍លើកឡើងថា សព្វថ្ងៃប្រទេសជាតិយើងមានការអភិវឌ្ឍន៍រីកចម្រើនលើគ្រប់វិស័យ។ទាំងនេះដោយសារប្រទេសជាតិយើងមានសុខសន្តិភាព ក្រោមការដឹងនាំដ៍ឈ្លាស់វៃរបស់សម្តេច អគ្គមហាសេនាបតីតេជោ ហ៊ុន សែន នាយករដ្ធមន្ត្រីនៃព្រះរាជាណាចក្រកម្ពុជា ដែលសម្តេចតែងតែយកចិត្តទុកដាក់គិតគូរនូវការលំបាកប្រជាពលរដ្ធគ្រប់ច្រក់ល្ហក់ ដោយមិនប្រកាន់និន្នាការនយោបាយអ្វីឡើយ។ឯកឧត្តម សន្តិបណ្ឌិត ចាន់ អ៊ាន ក៍បានអំពាវនាវអោយបងប្អូនប្រជាពលរដ្ធទាំងអស់ត្រូវអនុវត្តតាមការណែនាំរបស់ប្រមុខរាជរដ្ឋាភិបាល និងក្រសួងសុខាភិបាល អោយបានភ្ជាប់ខ្ជួន ត្រូវអនាម័យដូចជា លាងដៃជាមួយសាប៊ូ អាកុល ឬជែល និងពាក់ម៉ាស់ជាប្រចាំដើម្បីការពារកុំអោយឆ្លងនូវជំងឺកូវីដ-១៩។ហើយទន្ទឹមទៅនឹងជំងឺកូវីដ-១៩កំពុងរីករាលដាលនៅលើពិភពលោក ឯកឧត្តម ក៍បានជំរុញអោយបងប្អូនប្រជាពលរដ្ធត្រូវខិតខំប្រឹងប្រែងប្រកបមុខរបរចិញ្ជឹមជីវិត និងបង្ករបង្កើតផលដាំដំណាំឱ្យបានកាន់ច្រើន ដើម្បីបង្កើនលើកស្ទួយជីវភាពរបស់បងប្អូនអោយធូធាជាងមុន ជាពិសេសត្រូវយល់ដឹងពីបច្ចេកទេសក្នុងការធ្វើការងារកសិកម្ម ទៅតាមការនែនាំរបស់មន្ត្រីជំនាញ។
ឯកឧត្តមឯកឧត្តម សន្តិបណ្ឌិត ចាន់ អ៊ាន ក៍បានផ្តាំផ្ញើរដល់បងប្អូនប្រជាពលរដ្ឋទាំងអស់ ត្រូវមានការប្រុងប្រយ័ត្នខ្ពស់ពីសុវត្ថិភាពផ្ទាល់ខ្លួន និងក្រុមគ្រួសារ ដោយរដូវនេះមានភ្លៀងធ្លាក់លាយឡំជាមួយខ្យល់កន្ត្រាក់ និងផ្គររន្ទៈ ដែលងាយបង្កគ្រោះថ្នាក់ ហើយបើបងប្អូនមានបញ្ហាអ្វីកើតឡើងក្នុងគ្រួសារត្រូវរាយការណ៍ទៅអាជ្ញាធរដែលនៅជិតកៀកបងប្អូនផ្ទាល់ ដើម្បីអោយក្រុមការងារចុះជួយដល់បងប្អូនបានឆាប់រហ័ស និងទាន់ពេលវេលា។ ព្រមជាមួយនេះអាជ្ញាធរមូលដ្ឋានទាំងអស់ត្រូវចូលរួមសហការ និងត្រៀមជួយសង្រ្គោះប្រជាពលរដ្ឋក្នុងមូលដ្ឋានគ្រប់ស្ថានភាព គ្រប់ហេតុការណ៍ ដោយយើងនៅជាមួយប្រជាជន រួមរស់ជាមួយប្រជាជន គ្រប់កាលៈទេសៈ ។
ឯកឧត្តម សន្តិបណ្ឌិត ចាន់ អ៊ាន ក៍សូមសំណូមពរបងប្អូនប្រជាពលរដ្ឋនៅក្នុងឃុំព្រៃព្នៅ ស្រុកពារាំង មេត្តាបន្តការអប់រំកូនចៅ ធ្វើយ៉ាងនៅឲ្យឆ្ងាយពីគ្រឿងញៀនដែលវាអាចនាំអោយប៉ះពាល់ចំពោះគ្រួសារ៖ ដូចជាបាត់បង់កិត្តិយស បំផ្លាញទ្រព្យសម្បត្តិគ្រួសារ បង្ករការភ័យខ្លាច អំពើហិង្សា ខាតបង់ថវិការ និងគ្រោះថ្នាក់ដល់គ្រួសារជាដើម។
- ផលប៉ះពាល់ចំពោះសង្គម៖ មានដូចជា បង្កនូវអំពើអសីលធម៌ផ្សេងៗ (អំពើហិង្សាទាក់ទងនឹងយេនឌ័រ និងផ្លូវភេទ)បង្ក គ្រោះថ្នាក់ចរាចរ ប្រព្រឹត្តអំពើឆក់ប្លន់ និងបទឧក្រិដ្ឋផ្សេងៗ រួមទាំងបាត់បង់ធនធានមនុស្សទៀតផង។
និងបន្តជួយទប់ស្កាត់អំពើជួញដូរមនុស្ស ដែលនាំទៅធ្វើការតាមរូបភាពផ្សេងៗ និងចូលរួមគោរពច្បាប់ចរាចរណ៍ផ្លូវគោក ឲ្យបានគ្រប់គ្នា។ ជាពិសេសចូលរួមអនុវត្តគោលនយោបាយភូមិឃុំមានសុវត្ថិភាព ដែលមានលក្ខណៈសម្បត្តិ៩ យ៉ាង។
បន្ទាប់មក ឯកឧត្តមសន្តិបណ្ឌិត និងសហការីបានចែកអំណោយជូនគ្រួសារទីទាល់ក្រចំនួន១៦៦ គ្រួសារ ក្នុងមួយគ្រួសារ ទទួលបាន អង្កចំនួន ២០ គីឡូក្រាម.ទឹកត្រី១ដប.ទឹកស៊ីអ៉ីវ១ដប.ត្រីខកំប៉ុង ១០ កំប៉ុង.មី១កេះ.ក្រមា១.សារ៉ុង១.ស្ករស ១គីឡូក្រាម.ប្រេងឆា១ដប.
អាវយឺត១ .និងថវិកាចំនួន ៤០.០០០រៀល ៕
