ខេត្តត្បូងឃ្មុំ : គេនៅចាំបានថា ទីលានជល់មាន់ បៀ អាប៉ោង ដ៏ធំនៅអរិយក្សត្រ
ខេត្តកណ្តាល ដែលបានបើកលេងរាប់ឆ្នាំ ដោយអាជ្ញាធរមិនហ៊ានប៉ះពាល់ ។ ទីបំផុតទីតាំងនោះ ក៏ត្រូវបង្រ្កាបក្រោមការបញ្ជាផ្ទាល់ពីសំណាក់សម្តេចប្រមុខរាជរដ្ឋាភិបាល ទើបស្នងការខេត្ត
ហ៊ាន បើកប្រតិបត្តិការណ៍ចុះបង្រ្កាប ដោយចាប់បានអ្នកលេង និង វត្ថុតាងជាច្រើន តែម្ចាស់សៃវៀន ចាប់មិនបានទេ ។ ខណៈនោះសម្តេច តេជោ ហ៊ុន សែនបានបញ្ជាដាច់ណាត់ថា បើពួកវា តដៃ បើចាំបាច់បាញ់ចោលកុំទុក ។ ក្រោយពីមានការបញ្ជាអោយបង្រ្កាបមិនលើកលែងយ៉ាងនេះ ទើបម្ចាស់សៃវៀន ឈ្មោះ ម៉ាប់ ក៏បានចូលបង្ហាញខ្លួននៅស្នងការ ដើម្បីចូលសារភាព ។
សូមបញ្ជាក់ថា រឿងសៃវៀន ជល់មាន់ បៀ អាប៉ោង ខាងលើប្រហែលមិនខុស ទៅនឹងទីតាំង១កន្លែងទៀត ស្ថិតនៅក្នុងចំការកៅស៊ូចុះពីផ្លូវជាតិលេខ៨អា ប្រហែល១០០មែត្រ ក្នុងភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ នោះទេ ។
យោងតាមកិច្ចសំភាស របស់លោក លី វណ្ណៈ កាលពីថ្ងៃ២២ ខែវិច្ឆិកា ឆ្នាំ២០២០ ទៅលោកស្នងការខេត្តត្បូងឃ្មុំ ដោយលោកស្នងការបញ្ជាក់ថា ទីតាំងនោះ មិនស្ថិតនៅក្រោមការគ្រប់គ្រងរបស់លោកទេ គឺស្ថិតនៅក្រោមការគ្រប់គ្រងរបស់ក្រសួងមហាផ្ទៃ នាយកដ្ឋាន ប្រឆាំងបទល្មើសល្បែងពាណិជ្ជកម្ម ។
ឧត្តមសេនីយ៍ឯក ជៀង សេន ប្រធាន
នាយកដ្ឋានប្រឆាំងបទល្មើសល្បែងពាណិជ្ជកម្ម បានអោយដឹងនៅព្រឹកថ្ងៃទី ២៣ ខែវិច្ឆិកា ឆ្នាំ២០២០ ថា បើន្លែងនោះជាកាស៊ីណូ គឺវាពិតស្ថិតក្រោមការគ្រប់របស់លោកមែន ។ លោកបានបញ្ជាក់ថា កាស៊ីណូ ត្រូវមានច្បាប់ និង លើកស្លាកត្រឹមត្រូវ ។
ដោយប្រជាពលរដ្ឋនៅក្បែរនោះ បានបង្ហើបថា ល្បែងស៊ីសង ដ៏ធំ ១នេះ នៅប្រហែល ៥០០ម៉ែត្រ ពីផ្ទះអ្នកធំ១រូប ផងដែរ ។
