ជនជាតិចិនជាច្រើននាក់កំពុងស្នាក់នៅលេងល្បែងតាមអុិនធីណើតក្នុងកាសុីណូថ្មពេជ្រក្អមសំណសង្ស័យអត់ច្បាប់…

(កណ្តាល)….ជនជាតិចិនជាច្រើននាក់កំពុងសម្ងំលាក់ខ្លួនពួនអាត្មាលេងល្បែងសុីសងតាមប្រព័ន្ធអុិនធីណើត នៅក្នុងកាសុីណូថ្មពេជ្រ ព្រំដែនអន្តរជាតិ(កម្ពុជា-វៀតណាម)ក្អមសំណ ភូមិក្អមសំណក្រោម ឃុំក្អមសំណ​ ស្រុកលើកដែក ខេត្តកណ្តាល សង្ស័យគ្មានច្បាប់។ ប្រភពព៌តមានបានអោយដឹងថា កាសុីណូថ្មពេជ្រក្អមសំណនេះ ត្រូវបានអាជ្ញាធរអោយបិទចាប់តាំងពីកូវីដ.១៩ផ្ទុះឡើងដំបូងមកម្លេះ។ប៉ុន្តែចាប់តាំងពីបិទ គេសង្កេតឃើញក្រុមជនជាតិចិនជាច្រើនបានបន្តស្នាក់នៅរហូត។ប្រភពដដែលបន្តថា ជនជាតិចិនទាំងនោះស្នាក់នៅពពាក់ពពួនគ្នានៅក្នុងកាសុីណូថ្មពេជ្រនេះ គឺលេងល្បែងសុីសងតាមប្រព័ន្ធអុិនធីណើត។ហើយចំពោះការស្នាក់នៅហាក់បីដូចមានអាថ៍កំបាំង ពេលថ្ងៃមានសន្តិសុខយាមកាមយ៉ាងតឹងរឹងមិនអោយដើរចេញមកខាងក្រៅកាសុីណូជាដាច់ខាត។តែសម្រាប់នៅពេលយប់វិញគឺចេញមកខាងក្រៅឡើងប្រសាចផឹកសុីច្រៀងរាំងនៅហាង(K.T.V)ខារ៉ាអូខេ យីហោ អារ៉ូម៉ា 9999 ដែលជាហាងរបស់ថៅកែកាសុីណូតែមួយ បើកនៅទល់មុខហ្នឹងតែម្តង។ប្រភពបញ្ជាក់បន្ថែមថា ហាង K.T.Vនេះ មិនត្រឹមតែអនុវត្តផ្ទុយពីប្រសាសន៍របស់ប្រមុខរាជរដ្ឋាភិបាល ក៍ដូចជាការណែនាំរបស់ក្រសួងសុខាភិបាល ក្នុងការបង្ការ ការពារទប់ស្កាត់ជំងឺកូវីដ.១៩ប៉ុណ្ណោះទេ ថែមទាំងមានមេខ្យល់នាំស្រីខ្មែរអោយជាមួយជនជាតិចិនក្នុងកាសុីណូ១យប់ ចាប់ពី២០០ដុល្លារទៅ៣០០ដុល្លារ។រីឯមេខ្យល់អ្នកនាំចិនអោយ១០០ដុល្លារ។គួរបញ្ជាក់ថា ហាងអារ៉ូម៉ា 9999 K.T.V នេះដែរ កន្លងមកឧស្សាកើតមានរឿងវាយតប់គ្នាជាញឹកញ៉ាប់ណាស់។ដោយសារកើតមានរឿងញឹកញ៉ាប់ ហើយឃើញមានជនជាតិចិនស្នាក់នៅលេងល្បែងសុីសងតាមអុិនធីណើតច្រើនបែបនេះ ធ្វើអោយប្រជាពលរដ្ធរស់នៅក្បែរតំបន់ព្រំដែនក្អមសំណ មានការព្រួយបារម្ភ ចំពោះបញ្ហាសន្តិសុខសណ្តាប់ធ្នាប់សុវត្ថិភាពនៅក្នុងមូលឋានរបស់ពួកគាត់ជាខ្លាំង។ការស្នាក់នៅរបស់ជនជាតិចិនទាំងនេះសង្ស័យគ្មានច្បាប់ទម្លាប់នោះទេ ហើយនៅពេលឃើញឡានអ្នកសារព៌តមានចុះទៅថត គឺមានក្រុមសន្តិសុខការពារប្រញ៉ាប់ប្រញ៉ាលរត់ដេញជនជាតិចិនទាំងនោះអោយចូលទៅក្នុងបន្ទប់បាត់អស ព្រោះខ្លាចអ្នកសារព៌តមានថតជាប់។ ជុំវិញជនជាតិចិនជាច្រើននាក់ស្នាក់នៅលេងល្បែងភ្នាល់តាមប្រព័ន្ធអុិនធីណើតនៅក្នុងកាសុីណូថ្មពេជ្រនេះដែរ លោក លឹម សេង មេប៉ូលិសអន្តោប្រវេសន៍ច្រកទ្វារអន្តរជាតិក្អមសំណ បានអះអាងថា អត់មានជនជាតិចិនស្នាក់នៅកាសុីណូថ្មពេជ្រនោះទេ រឿងនេះវាមិនពិតឡើយ។ ចំណែក លោក អាំ ធូ អធិការនគរបាលស្រុកលើកដែក ក៍បានអោយដឹងថា បើតាមរបាយការណ៍ពីប៉ុស្តិ៍រដ្ធបាលនគរបាលក្អមសំណ ធ្វើអោយរូបលោកដឹង ជនជាតិចិនដែលស្នាក់នៅក្នុងកាសុីណូ នោះមានតែ២២នាក់ទេគឺមានច្បាប់ ស្នាក់នៅយូរហើយ។លោក អធិការបន្តថា រឿងហាងអារ៉ូម៉ា K.T.V 9999 នៅបន្តបើក នឹងមានសេវា គួកជេរស្រីអោយជនជាតិចិននោះ ចាំរូបលោកអោយកម្លាំងស្រាវជ្រាវមើលបន្ត ព្រោះតាំងពីមានរឿងមក រូបលោកធ្លាប់ហៅថៅកែហាងមកធ្វើកិច្ចសន្យាអោយផ្អាកហើយ៕