ឧកញ៉ា ទេព ភារម្យ ស្នើដល់អាជ្ញាធរឃុំកំពង់ហ្លូង ស្រុកពញាឮ ជួយកោះហៅ លោក ហង្ស ចន្ថា មកតទល់គ្នារឿងបញ្ហាដីធ្លី (បើមានដីលោកចចារទិញ តែបើមិនមាន សូមអោយបញ្ឈប់ការនិយាយមិនពិត )

ខេត្តកណ្តាល ៖ បន្ទាប់ពីមានការចោទប្រកាន់នានា មកលើរូបលោក ឧកញ៉ា ទេព ភារម្យ ថាបានលួចលក់ដីពួកគាត់ ទៅអោយអ្នកដ៏ទៃ ដោយមិនបានអោយគ្រប់ ជាដើមនោះ ។ នៅព្រឹកថ្ងៃទី23 ខែមករា ឆ្នាំ 2021 នេះ លោកឧកញ៉ា បានបង្ហើបថា រូបលោកមានបំណងដោះស្រាយ ជាមួយប្រជាជន ពិសេស លោក ហង្ស ចន្ថា សូមអោយគាត់ចេញមកតទល់គ្នា ដើម្បីបង្ហាញការពិត ថាដីរបស់គាត់មាននៅទីណា អោយពិតប្រាកដ ។

លោកឧកញ៉ាថា សូមអោយអាជ្ញាធរ ឃុំកំពង់ហ្លូង ស្រុកពញាឮ ខេត្តកណ្តាល ជួយសំរបសំរួល នឹងវែកមុខប្រជាជនដែលខិលខូច មកបង្ខួចកេរ្តិ៍ឈ្មោះលោក តាមបណ្តាញសង្គម និង តាមសារព័ត៌មាន ជាដើម។

លោកឧកញ៉ា បានសង្កត់ធ្ងន់ថា ប្រសិនបើ លោក ហង្ស ចន្ថា និង អ្នកផ្សេងទៀត មានដីពិតប្រាកដ ជាន់លើដី លោកមែននោះ លោកនឹងធ្វើការចចារ តាមភាពជាក់ស្តែង ។