គ្រួសារពលរដ្ឋក្រីក្រក្នុងឃុំតាលាស់ស្រុកមោងឫស្សីចំនួន២៨០គ្រួសារទទួលបានអំណោយពីសម្តេចក្រឡាហោមស.ខេងនិងលោកជំទាវ

ខេត្តបាត់ដំបង÷តាមរយះឯកឧត្តមនួន.សានបានដឹកនាំក្រុមការងារថ្នាក់ជាតិចុះជួយមូលដ្ឋានឃុំតាលាស់បាននាំយកអំណោយដ៏ថ្លៃថ្លារបស់សម្ដេចក្រឡាហោមស.ខេងនិងលោកជំទាវញ៉ែម.សាខនយកទៅចែកជូនប្រជាពលរដ្ឋដែលមានជីវភាពខ្វះខាតចំនួន២៨០គ្រួសារក្នុងឃុំតាលាស់ស្រុកមោងឫស្សីខេត្តបាត់ដំបង។នៅក្នុងឱកាសនោះដែរឯកឧត្តមនួន.សានក៏បានពាំនាំនូវប្រសាសន៍ផ្ដាំផ្ញើសួរសុខទុក្ខនឹងផ្ញើការនឹករឭកពីប្រមុខរាជរដ្ឋាភិបាលនិងសម្ដេចក្រឡាហោមស.ខេងប្រធានក្រុមការងារថ្នាក់ជាតិចុះជួយខេត្តបាត់ដំបងជំរាបដល់បងប្អូនប្រជាពលរដ្ឋផងដែរអំពីការយកចិត្តទុកដាក់ខ្ពស់ពីសំណាក់ថ្នាក់ទាំងនាំដល់ប្រជាពលរដ្ឋដែលកំពុងជួបផលលំបាកខ្លះៗ។ក្នុងនោះក៏មានឯកឧត្តមអង្គវង្ស.វឌ្ឍនាប្រធានក្រុមការងារថ្នាក់ជាតិចុះជួយស្រុកមោងឬស្សីដែលមានឧត្តមកើត.រិទ្ធអនុប្រធានទី១ក្រុមការងារថ្នាក់ជាតិចុះជួយស្រុកមោងឫស្សីផងដែរ។
ក្រោយពីឯកឧត្តមបានសំណេះសំណាលជាមួយប្រជាពលរដ្ឋក្នុងឱកាសនោះឧត្តមក៏បានសំណូមពរដល់ប្រជាពលរដ្ឋត្រូវបន្តអនុវត្តវិធានការរបស់ក្រសួងសុខាភិបាលក៏ដូចជាការអំពាវនាវរបស់ប្រមុខរាជរដ្ឋាភិបាលឲ្យកាន់តែល្អប្រសើថែមទៀតដើម្បីចូលរួមទប់ស្កាត់ជំងឺកូវីដ១៩កុំឲ្យរីករាលដាលដល់សហគមន៍ខណះដែលអាជ្ញាធរខេត្តរួមនិងមន្ត្រីពាក់ព័ន្ធកំពុងត្រូវបានពង្រឹងតាមបន្ទាត់ព្រំដែនស្របតាមអនុសាសន៍របស់ប្រមុខរាជរដ្ឋាភិបាលអំពីលំហូរពលករខ្មែរនៅប្រទេសថៃវិលមកស្រុកកំណើតវិញខណះកន្លងមកមានពលករមួយចំនួនបានគេចវេះពីការធ្វើចត្តាឡីស័ក។
ក្នុងនោះឯកឧត្តបានរំលឹកដល់បងប្អូនប្រជាពលរដ្ឋដែលរស់នៅក្នុងសហគមន៍ត្រូវប្រកាន់ភ្ជាប់នូវអនាម័យស្អាតជានិច្ចដោយលាងសម្អាតដៃនឹងអាកុលឬជែលដោយរក្សាគម្លាតសង្គមពាក់ម៉ាសការពារនឹងចៀសវាងចូលទីប្រជុំជនដែលមានមនុស្សច្រើន។ជាមួយគ្នានេះដែរឯកឧត្តមក៏បានសំណូមពរដល់ផងប្អូនប្រជាពលរដ្ឋឲ្យមានការសហការជាមួយអាជ្ញាធរឬសមត្ថកិច្ចផងដែរបើសិនជាមានបងប្អូនសាច់ញាតិឬអ្នកភូមិផងបានវិលពីប្រទេសថៃហើយគេចវេះពីការធ្វើចត្តាឡីស័កសូមរាយការជូនអាជ្ញាធរឬសមត្ថកិច្ចជាបន្ទាប់ដើម្បីសេចក្តីសុខនៅក្នុងសហគមន៍របស់បងប្អូនក៏ដូចជារក្សាក្តីសុខដល់មនុស្សទូទៅផងដែរ៕សៅ សារិទ្ធ