រាជធានីភ្នំពេញ : ក្រោយពីបែកធ្លាយនូវលិខិតរបស់ក្រសួងពាណិជ្ជកម្ម ប្តឹងក្រុមហ៊ុនសម្រស់ធម្មជាតិ ( ស្រីអូន) ដែលនាំចូលផលិតផល អាហារបំប៉នម៉ាក ឃូស្សី ទៅក្រសួងសុខាភិបាល កាលពីថ្ងៃទី១៣ ខែមករា ឆ្នាំ ២០២១ នោះបានធ្វើអោយបណ្តាញសារព័ត៌មាន ដកស្រង់ចុះផ្សាយ យ៉ាងព្រោងព្រាត ពីលក្ខណ:បំភាន់ និង បោកបញ្ឆោត ដល់សាធារណ:ជន តាមការអះអាង ដោយគ្មានភស្តុតាង ថា អ្នកប្រើប្រាស់បានធូរស្រាល ឬ ជាសះស្បើយ ពីជម្ងឺជាច្រើន។
ក្រសួងពាណិជ្ជកម្មក៏បានស្នើ អោយមានវិធានការណ៍ផ្លូវច្បាប់ផងដែរ តែរហូតដល់ថ្ងៃទី ១១ ខែមេសា ឆ្នាំ ២០២១ មានរយៈពេល ជិត៣ខែទៅហើយ នៅតែក្រសួងសុខាភិបាល មិនទាន់អើពើ ដោយទុកអោយពួកគេបន្តឡាយ លក់ជាហូរហែរ រហូតដល់ពេល នេះ ។
ពាក់ព័ន្ធនឹង ក្រុមហ៊ុន នេះ ក៏មាន គណបក្ស កសិករ ក៏បានដាក់ពាក្យបណ្តឹងផងដែរ តែលោកប្រធាន គណបក្សបានប្រាប់ថា លោក មិនទាន់ទទួលបានការបំំភ្លឺណា១ ចេញពីក្រសួងសុខាភិបាលនោះទេ ។
លោកថា នៅពេលខាងមុខ លោក នឹងរៀបចំធ្វើសន្និសិទកាសែត អំពីរឿងនេះ ៕
