សម្តេចព្រះឧត្តមចរិយាបណ្ឌិតឈឹងប៊ុនឈា ស្នើអោយ
ភិក្ខុ សឿង អាន ចៅអធិការវត្តមិនទាន់មានច្បាប់ដករូបសម្តេចចេញពីស្លាកពាណិជ្ជកម្មបុណ្យ
ខេត្តកណ្តាល ៖ សម័យនេះប្រជាពលរដ្ឋតែងសង្កេតឃើញក្រុមរកស៊ីបោកប្រាស់ ឬក្រុមរកបង្អួតការរកស៊ីលូតលាស់របស់ខ្លួន ពិសេសបានសុំថតរូបជាមួយអ្នកធំៗដឹកនាំប្រទេសមកតាំងបង្ហាញនឹងអួតគេឯងថា រូបគេបានស្គាល់អ្នកធំ ឬមានអ្នកធំនៅពីក្រោយខ្នងគេ នេះជារឿងមួយនៅផ្នែកអាណាចក្រតែក្រឡេកមកមើលផ្នែកពុទ្ធចក្រវិញ ក៏មានការអួតអាង បង្ហោះបង្ហាញដែរ ជាជាក់ស្តែងវត្តមួយ ដែលជាវត្តមិនទាន់មានច្បាប់ត្រឹមត្រូវ ឈ្មោះ វត្តថ្មីបារមីហ្មឺនកែវ ស្ថិតនៅភូមិតានូ ឃុំស្អាងភ្នំ ស្រុកស្អាង ខេត្តកណ្តាល ដែលដឹកនាំគ្រប់គ្រងដោយភិក្ខុ សឿង អាន បានរៀបចំកម្មវិធីបុណ្យនៅថ្ងៃទី៣០-៣១ ខែមិនា និងនៅថ្ងៃទី១ ខែមេសា មានរយៈពេល៣ថ្ងៃ ដោយបានលើកស្លាក លើកប៉ាយ លើកស្លាកពាណិជ្ជកម្មផ្សព្វផ្សាយយ៉ាងព្រោងព្រៀត ក្នុងនោះមានរូបថតសម្តេចឧត្តម ចរិយា ឈឹង ប៊ុនឈា អនុប្រធានថេរសភា នៃព្រះពុទ្ធសាសនាកម្ពុជា ។រូបភិក្ខុ ចន្ទ មុនី ជាអ្នកទេសនា នៅថ្ងៃទី១ ខែមេសានិងអ្នកផ្តើមបុណ្យឧកញ៉ា សៀង ចាន់ហេង មកដាក់តាំងបង្ហាញនៅតាមចិញ្ចើមថ្នល់ ដើម្បី អោយពុទ្ធបរស័ទបានដឹងនឹងបានមកចូលរួមចូលបច្ច័យអោយបានច្រើនកុះករ ។
ពាក់ព័ន្ធយករូបថតសម្តេចឧត្តមចរិយា មកតាំងពាណិជ្ជកម្មនេះ សម្តេចបានមានថេរដីកា ប្រាប់លោក លី វណ្ណៈនៅរសៀលថ្ងៃទី២៤ ខែមិនាថា ៖ ព្រះអង្គមិនបានដឹងរឿងគេយករូបរបស់សម្តេចទៅធ្វើចឹងនោះទេ បើមិនបានដឹងដូច្នេះហើយសូមអោយគេទំលាក់វិញចុះ ។
ប្រជាពុទ្ធបរិស័ទដែលមិនពេញចិត្តចំពោះភិក្ខុ សឿង អាន
ចៅអធិការវត្តមិនទាន់មានច្បាប់នេះបាន បង្ហើបថា សង្ឃម្នាក់នេះមិនចេះខ្លាចអ្នកណាទេ ព្រោះគេមានមន្រ្តីធំ និងអ្នកមានលុយនៅពីក្រោយខ្នង សូម្បីអនុគណស្រុកស្អាង ក៏មិនអាចនែនាំអោយ ភិក្ខុ សឿង អាន បាននោះដែរ ។ ដូច្នេះការស្នើសុំដករូបសម្តេច ឬ ទំលាក់ស្លាកវិញនោះ ប្រហែលភិក្ខុសឿង អាន មិនអនុវត្តតាមនោះទេ ។
ពាក់ព័ន្ធការមិនខ្លាចនេះហើយ ព្រះនរាយណ៍បានផ្សាយអំពីវត្តនេះគ្មានច្បាប់ចំនួន២លេខ ភិក្ខុសឿង អាន បានជួលក្រុមអ្នកកាសែតដែលគ្មានវិជ្ជាជីវៈ ប៉ុន្មាននាក់មកលាង និងបំភ្លឺថាព្រះនរាយណ៍ផ្សាយគ្មានពិត។ក្រុមអ្នកកាសែតដែលកាង ភិក្ខុ សឿង អាន នេះអាចមានផលប្រយោជន៍ធំ ឬអាចមានភាគហ៊ុនក្នុងកម្មវិធីបុណ្យនិមួយៗ ឬមួយត្រូវជាសាច់ឈាម ជាមួយលោកសង្ឃ សឿង អាន នេះ ទើបពួកគេអាចបង្វែរសាច់រឿង និងសួរសំណួរបែបញុះញុង និងមានបំណងវ៉ៃប្រហារមកលើព្រះនរាយណ៍ ។
ដើម្បីអោយដឹងការពិតនៅថ្ងៃទី២២ ខែមិនា លោកលី វណ្ណៈ បានតេទូរសព្ទទៅ ភិក្ខុ សឿង អាន ក្នុងន័យចង់អោយលោកបំភ្លឺតែលោក នៅតែទទូចអោយក្រុមការងារចុះអោយទៅដល់វត្ត ។ចំណុចមួយដែលលោក លី វណ្ណៈសួរទៅភិក្ខុ សឿង អាន ៖ថាត្រង់ណាដែលថាព្រះនរាយណ៍ផ្សាយមិនពិត តែលោកមិនឆ្លើយ ។ រឺឯសំណួរមួយទៀតបើព្រះនរាយណ៍ផ្សាយមិនពិតហេតុដូចម្តេចមិនទាក់ទងមកព្រះនរាយណ៍អោយបំភ្លឺវិញទៅ ចាំបាច់អីហៅអ្នកកាសែតគ្មានវិជ្ជាជីវៈ និងសីលធម៌ក្នុងខ្លួន អោយមកវ៉ៃប្រហារព្រះនរាយណ៍ ។
គួរបញ្ជាក់ថា ក្រោយពីព្រះនរាយណ៍ទទួលសារពីប្រជាពលរដ្ឋអំពើការដឹកនាំកសាងវត្តរបស់ភិក្ខុ សឿង អាន មានជាច្រើនចំណុចក្នុងនោះក៏មានរឿងនយោបាយផងដែរ ។ ពេលបានព័ត៌មានមួយជ្រុងនេះហើយ នៅថ្ងៃទី១៦ ខែមិនា ឆ្នាំ២០២៤ ក្រុមការងារព្រះនរាយណ៍បានតេទំនាក់ទំនងទៅ ភិក្ខុ សឿង អាន ដោយលោកថា៖រឿងនេះលោកដឹងហើយថាចេញប្រភពណា ហើយលោក ក៏បានបញ្ជាក់ថាវត្តនេះបានសុំច្បាប់ទៅដល់មន្ទីរធម្មការ និងសាសនាខេត្តកណ្តាលហើយ ។ នៅពេលនោះក្រុមការងារព្រះនរាយណ៍ចង់ជួបដោយផ្ទាល់នៅវត្ត លោកបានបញ្ជាក់ថា កុំអីញោម អាត្មារវល់ ។ តែដល់ពេលព្រះនរាយណ៍ ផ្សាយ ជាបន្តបន្ទាប់បាន៣ភាគ ក៏លោកមានពេលសំរាប់ជួបទៅវិញ។ ប្រសិនបើអោយលោក លី វណ្ណៈ ទៅជួបលោកនៅវត្ត គឺចំណាយលុយមិនក្រោម១៥០ដុល្លានោះទេ បានន័យថាជិះឡានពីខេត្តរតនគិរី រហូតមកដល់ស្អាង ខេត្តកណ្តាល មានចំងាយមិនក្រោម៦០០គីឡូទៅ៧០០គីឡូនោះទេ ៕
