List/Grid Author Archives: ព្រហ្ម ឥន្ទ្រ

បាត់ដំបង÷ការថ្លែងបែបនេះខណះដែលលោកបណ្ឌិតសភាចារ្យហង់.ជូនណារ៉ុនរដ្ឋមន្ត្រីក្រសួងអប់រំយុវជននិងកីឡាបានអញ្ជើញជាគណះអធបតីក្នុងពិធីសម្ពោធអគារសិក្សានៃសាលាមត្តេយ្យសិក្សាធនធានក្រុងបាត់ដំបងដែលជាជំនួយហិរញ្ញប្បទាននៃក្រសួងការបរទេសជប៉ុន(MoFa)នាព្រឹកថ្ងៃទី១៣ខែសីហាឆ្នាំ២០២០នេះឋិតក្នុងភូមិកម្មករសង្កាត់ស្វាយប៉ោក្រុងបាត់ដំបង។នៅក្នុងពិធីនេះដែរក៏មានការចូលរួមពីសំណាក់លោកអភិបាលខេត្តនិងមន្ត្រីរាជការឯកឧត្តមលោកជំទាវរដ្ឋលេខាធិការអនុរដ្ឋលេខាធិការលោកប្រធានកុងស៊ុលជប៉ុនប្រចាំខេត្តសៀមរាបលោកទីប្រឹក្សាជាន់ខ្ពស់នៃអង្គការសន្ដិស្ម័គ្រចិត្ត(SVA)ព្រមទាំងឯកឧត្តមលោកជំទាវគណៈប្រតិភូអមដំណើរនិងលោកគ្រូអ្នកគ្រូជាច្រើនរូបផងដែរ។ លោកងួន.រតន:អភិបាលខេត្តបានថ្លែងនៅក្នុងពិធីនេះថា÷អគារសិក្សាថ្មីដែលបានសម្ពោធដាក់អោយដំណើការនាពេលនេះបានចាប់ផ្ដើមសាងសង់នៅថ្ងៃទី០១ខែមេសាឆ្នាំ២០១៩និងបានបញ្ចប់ជាស្ថាពរនៅថ្ងៃទី២៩ខែកុម្ភៈឆ្នាំ២០២០។សាលានេះមានកម្ពស់២ជាន់មាន៥បន្ទប់បណ្ណាល័យ១បន្ទប់និងបង្គន់អនាម័យសម្រាប់កុមារតូចៗ១៥បន្ទប់។ដែលជាជំនួយរបស់ក្រសួងការបរទេសនិងសហប្រតិបត្តិការអន្តរជាតិជប៉ុន(MoFa)ដោយមានការសម្របសម្រួលពីអង្គការ(SVA)។ហើយនៅក្នុងបណ្ណាល័យមានបំពាក់សៀវភៅរូបភាពសម្ភារអានបរិក្ខារសោតទស្សន៍និងមានសៀវភៅ៦៦៤ក្បាលដោយឡែកនៅតាមបន្ទប់រៀនត្រូវបានបំពាក់គ្រឿងសង្ហារឹមគ្រប់បន្ទប់ផងដែរ។លោកអភិបាលខេត្តបន្តថា÷ក្នុងឆ្នាំ២០១៩នឹង២០២០នេះខេត្តបាត់ដំបងមានសាលារៀនសរុបចំនួន១៤៤៨សាលា។ដែលមានសិស្សសរុបចំនួន២៨១១២១នាក់ស្រី១៣៩៩៧៥នាក់និងមានបុគ្គលិកអប់រំសរុបចំនួន១០៨៧០នាក់ស្រី៥៧១២នាក់។ដោយឡែកសម្រាប់មត្តេយ្យសិក្សារដ្ឋមានមត្តេយ្យដាច់ដោយឡែកចំនួន២៥សាលានិងមត្តេយ្យក្នុងបឋមសិក្សាចំនួន៣៤៨សាលា។លោកបន្តថាកន្លងមកបើទោះបីក្រសួងអប់រំយុវជននិងកីឡាអនុញ្ញាតឲ្យសាលាបឋមសិក្សាបើកថ្នាក់មត្តេយយ្យនៅក្នុងសាលាបឋមសិក្សាក៏ពិតមែនក៏មិនអាចឆ្លើយតបទៅនឹងតម្រូវការសិក្សារបស់កុមារតូចៗបានដែរទើបក្រសួងមហាផ្ទៃនិងក្រសួងអប់រំយុវជននិងកីឡាបានសហការនិងអនុញ្ញាតិឲ្យរដ្ឋបាលឃុំសង្កាត់បង្កើតសាលាមត្តេយ្យសហគមន៍នៅតាមភូមិនីមួយៗដែលនៅឆ្ងាយពីសាលាមត្តេយ្យរដ្ឋជាបន្តបន្ទាប់បន្ថែមទៀត។ លោកបណ្ឌិតសភាចារ្យហង់.ជួនណារ៉ុនរដ្ឋមន្រ្ដីក្រសួងអប់រំយុវជននិងកីឡាបានមានប្រសាសន៍ថាការបើកសម្ពោធសាលាមត្តេយ្យសិក្សានេះគឺពិតជាមានសារៈសំខាន់ណាស់ដល់ប្អូនកុមារតូចៗមានឱកាសបានចូលសិក្សារៀនសូត្រដើម្បីត្រៀមខ្លួននឹងចូលសិក្សានៅថ្នាក់បឋមសិក្សានៅពេលដែលប្អូនកុមារតូចមានអាយុ៦ឆ្នាំឡើងទៅ។លោកបន្តថាការបង្ហាត់បង្រៀនកុមារតូចៗមិនត្រឹមតែជាតួនាទីរបស់លោកគ្រូអ្នកគ្រូប៉ុណ្ណោះទេតែទាមទារឲ្យមានការសហការគ្នាជាមួយមាតាបិតាគ្រប់ៗរូបចូលរួមក្នុងការបង្ហាត់បង្រៀនកូនៗបន្ថែមទៀត។ព្រោះមាតាបិតាគឺជាអ្នកដែលរស់នៅផ្ទាល់ជាមួយពួកគេដែលយើងត្រូវបង្រៀនពួកគេទាំងអាកប្បកិរិយាចេះគ្រប់គ្រងដោយខ្លួនឯងនិងជួយបង្ហាត់បង្រៀនមេរៀនបន្ថែមនៅឯផ្ទះផងដែរ។ លោកបន្តទៀតថា÷កន្លងមកដោយសារតែការរីករាលដាលនូវជម្ងឺកូវីដ១៩ទើបក្រសួងអប់រំយុវជននិងកីឡាបានណែនាំដល់លោកគ្រូអ្នកគ្រូឲ្យរៀបចំការបង្រៀនសិស្សពីចម្ងាយតាម(Online)នឹងរៀបចំការជួបផ្ទាល់តាមរយៈប្រព័ន្ធអុិនធឺណេតដូចជាការថតជាខ្លីបវីដេអូបង្រៀនជាដើម។លោកបានបញ្ជាក់បន្តថា÷ទោះបីបែបនេះក្តីក៏ការបង្រៀនតាមប្រព័ន្ធអីនធឺណេតនៅមានកម្រិតនៅឡើយជាពិសេសសម្រាប់ប្អូនសិស្សានុសិស្សនៅតាមទីជនបទឆ្ងាយៗដែលពិបាកក្នុងការរកសេវាអុីនធឺណេតទើបក្រសួងអប់រំយុវជននិងកីឡាមានវិធានការបើកសាលារៀនម្ដងទៀតក្នុង៣ដំណាក់កាល។ដោយដំណាក់កាលទី១គឺការបើកសម្រាប់សាលាដែលមានស្ដង់ដារខ្ពស់ចំនួន២០ក្នុងប្រទេសកម្ពុជានៅដើមខែសីហានេះរួចមកហើយ។ដំណាក់កាលទី២គឺការបើកសម្រាប់ថ្នាក់ទី៩និងទី១២សម្រាប់ក្របខណ្ឌសាលាទូទាំងប្រទេសនៅដើមខែកញ្ញាក្រោយនេះដើម្បីឲ្យក្មួយៗត្រៀមរៀនបញ្ចប់និងត្រៀមប្រឡងមធ្យមសិក្សាបឋមភូមិនិងមធ្យមសិក្សាទុតិយភូមិនាខែធ្នូខាងមុខនេះ។តែការបើកជាដំណាក់កាលទី២នេះគឺធ្វើឡើងដោយមានស្ដង់ដាសុវត្ថិភាពខ្ពស់ផងដែរក្នុងការរក្សាគម្លាតថ្នាក់សិក្សាគឺមិនឲ្យមានសិស្សចាប់ពី១៥នាក់ឡើងទៅរួមនឹងការសំអាតអនាម័យត្រូវមានកាលវិភាគច្បាស់លាស់ក្នុងការផ្លាស់ប្ដូរវេនគ្នាមកសាលារៀនជាដើម។បើសិនជាក្នុងដំណាក់កាលទី២នេះទទួលបានជោគជ័យក្រសួងនឹងត្រៀមរៀបចំការបើកដំណាក់កាលទី៣សម្រាប់សាលាទូទាំងប្រទេសជាបន្តបន្ទាប់ទៀត៕សៅ... សូមអានត... »

ខេត្តបាត់ដំបង÷ច្រាំងដងស្ទឹងសង្កែត្រូវបានបាក់ស្រុតជាបន្តបន្ទាប់ខណះមានភ្លៀងធ្លាក់ផ្ទួតៗបានបង្កអោយមានផលប៉ះពាល់ដល់ផ្លូវក្រាលកៅស៊ូ១ខ្សែរ៉បមាត់ស្ទឹកបាក់ស្រុតយ៉ាងធ្ងន់ធ្ងរដែលមិនអាចធ្វើដណើរបាន។លោកវ៉ាង.សុភីមេភូមិកំពង់សំបួរបានប្រាប់ឲ្យដឹងនៅថ្ងៃទី១១ខែសីហាឆ្នាំ២០២០នេះថា÷ដោយសារមានភ្លៀងធ្លាក់ខ្លាំងជាបន្តបន្ទាប់ពិសេសកាលពីពេលថ្មីៗកន្លងនេះបានបណ្តាលឲ្យផ្លូវក្រាលកៅស៊ូជាច្រើនម៉ែត្រនិងច្រើនកន្លែងឋិតនៅក្នុងភូមិកំពង់សំបូរឃុំសំរោងក្នុងស្រុកឯកភ្នំរងការបាក់ស្រុតយ៉ាងដំណំធ្វើឲ្យអាជ្ញាធរមូលដ្ឋានស្នើសុំឲ្យប្រជាពលរដ្ឋថយរបងបង្ខិតចូលក្នុងដើម្បីរៀបចំជាផ្លូវថ្នល់ឲ្យប្រជាពលរដ្ឋបានធ្វើដំណើរជាបណ្តោះអាសន្នសិនដើម្បីរងចាំការជួសជុលជាក្រោយ។ លោកមេភូមិខាងលើបានបន្តថា÷ចំពោះមុខមន្ត្រីឃុំស្រុកក៏បានបង្កើនការរៀបចំដាក់ស្លាកសញ្ញាឲ្យប្រជាពលរដ្ឋមានការប្រុងប្រយ័ត្នអំពីគ្រោះថ្នាក់និងដាក់បម្រាមហាមមិនឲ្យរថយន្តធុនធំឆ្លងកាត់ទៅមកផងដែរ។ប្រជាពលរដ្ឋនៅក្នុងមូលដ្ឋានត្រង់ចំណុចផ្លូវរងការបាក់ស្រុតក្នុងភូមិកំពង់សំបួរឃុំសំរោងក្នុងស្រុកឯកភ្នំខេត្តបាត់់ដំបងបានទទូចសុំឲ្យអាជ្ញាធរជួយរៀបចំជួសជុលឲ្យបានលឿនតាមដែលអាចធ្វើទៅបាន។ជៀសវាងមានបញ្ហាគ្រោះថ្នាក់ដល់កូនចៅឬអ្នកធ្វើដំណើរឆ្លងកាត់ដ៏ទៃទៀតជាពិសេសវាកាន់តែបាក់ស្រុតដីផ្លូវថ្នល់កាន់តែធំទៅៗនិងឈានដល់មានការប៉ះពាល់ដល់លំនៅស្ថានរបស់ពួកគាត់ដែលរស់នៅជាប់មាត់ច្រាំងស្ទឹងសង្កែបើសិនជាគ្មាការទប់ស្កាត់ទាន់ពេល។ ក្រៅពីនេះដីច្រាំងស្ទឹងសង្កែត្រើយខាងកើតបច្ចុប្បន្នក៏ត្រូវបានរងការបាក់ស្រុតយ៉ាងដំណំជាច្រើនកន្លែងផងដែរចាប់ពីចំណុចភូមិសូភីឃុំនរាស្រុកសង្កែរហូតដល់ភូមិកំពង់សំបួរឃុំសំរោងក្នុងស្រុកឯកភ្នំខេត្តបាត់ដំបង៕សៅ... សូមអានត... »

ខេត្តបាត់ដំបង÷កន្លងទៅថ្មីៗនេះក្រុមហ៊ុនវិនិយោគរបស់ប្រទេសចិននិងរដ្ឋបាលខេត្តបាត់ដំបងបានបើកកិច្ចប្រជុំរួមគ្នាមួយដើម្បីពិភាគ្សាទៅលើផលប៉ះពាល់គម្រោងសាងសង់ផ្លូវជាតិថ្មីកាត់ពីខេត្តបាត់ដំបងឆ្ពោះទៅកាន់ខេត្តសៀមរាបដែលត្រូវប្រើប្រាស់ថវិការជិត៣០០លានដុល្លាអាមេរិក។ក្នុងកិច្ចពិភាក្សាវាយតម្លៃផលប៉ះពាល់គម្រោងខាងលើតំណាងក្រុមហ៊ុន(china.road.andbridgecorporation)បានលើកឡើងថា÷គម្រោងសាងសង់ផ្លូវជាតិជាសមិទ្ធិផលថ្មីនេះមានប្រវែងជាង៧២គីឡូម៉ែត្រដោយតភ្ជាប់ពីស្រុកថ្មគោលខេត្តបាត់ដំបងពីចំណុចផ្លូវជាតិលេខ៥ឆ្ពោះទៅកាន់ចំណុចបញ្ចប់ផ្លូវជាតិលេខ៦ក្នុងស្រុកពួកក្នុងខេត្តសៀមរាបដោយឆ្លងកាត់តាមខេត្តចំនួន៣ក្នុងនោះមានខេត្តបាត់ដំបងបន្ទាយមានជ័យនិងខេត្តសៀមរាប។ តំណាងក្រុមហ៊ុនបញ្ជាក់បន្តថាកំណាត់ផ្លូវនេះកន្លែងខ្លះមានទទឹង១១ម៉ែត្រនិងទទឹង២៥ម៉ែត្រផ្ទៃដីប៉ះពាល់ត្រូវគណនាសរុបចំនួន២៥ម៉ែត្រសងខាងផ្លូវនៃចំណុចអ័ក្សផ្លូវក្នុងរង្វង់៥០ម៉ែត្រ។មន្រី្តជំនាញដដែលបានបង្ហាញឲ្យដឹងបន្តថា÷ចំពោះគ្រួសារប្រជាពលរដ្ឋដែលរងផលប៉ះពាល់នៅក្នុងគម្រោងនេះនឹងត្រូវធ្វើអត្តសញ្ញាណកម្មដោយគណៈកម្មាធិការដោះស្រាយហេតុប៉ះពាល់អន្តរក្រសួង(IRC)ចំណែកគម្រោងសាងសង់មានរយៈពេល៤០ខែចំណាយទុនជាង២៨៨លានដុល្លាសហរដ្ឋអាមេរិកជាហិរិញ្ញប្បទានសហប្រតិបត្តិការរវាងសាធារណរដ្ឋប្រជាមានិតចិន។ លោកមូល.ធននាយករដ្ឋបាលសាលាខេត្តបាត់ដំបងបានអះអាងនិងឯកភាព១០០%សម្រាប់ដំណើរការនៃការសាងសង់នេះ... សូមអានត... »

ខេត្តបាត់ដំបង÷ទំពាំងគឺជាបន្លែធម្មជាតិមួយប្រភេទដែលពលរដ្ឋទូទៅមិនអាចខ្វះបានដើម្បីយកទៅកែច្នៃធ្វើជាម្ហូបជាច្រើនយ៉ាងហើយបច្ចុប្បន្នបានជម្រុញអោយប្រជាកសិករក្នុងខេត្តបាត់ដំបងមួយចំនួននៅតាមបណ្តាស្រុកចាប់យកមុខរបរដាំឫស្សីកាន់តែមានកំណើនខ្ពស់ដើម្បីទ្រទ្រង់សេដ្ឋកិច្ចគ្រួសារអោយកាន់តែល្អប្រសើក្រៅពីផលដំណាំងផ្សេងៗដែលពួកគេមានស្រាប់។ប្រជាកសិករម្នាក់គឺលោកអ៊ួន.ឌឿនអាយុ៣៤ឆ្នាំរស់នៅភូមិទួលខ្ពស់ឃុំភ្នំព្រឹកស្រុកភ្នំព្រឹកខេត្តបាត់ដំបងហើយលោកក៏ជាមន្ត្រីបំរើការនៅសាលាស្រុកផងដែរ។លោកបានអោយដឹងនៅថ្ងៃទី០៦ខែសីហាឆ្នាំ២០២០នេះថាក្រៅពីការងារលោកក៏បានចាប់យកមុខរបរបណ្តុះកូនឫស្សីចំនួន២ប្រភេទដើម្បីតម្រូវការដល់ប្រជាកសិករក្នុងស្រុកយកទៅដាំដើម្បីជាប្រយោជន៍សេដ្ឋកិច្ចគ្រួសារបន្ថែមលើមុខរបរផ្សេងៗទៀត។ លោកបន្តថាបច្ចុប្បន្នកូនឫស្សីរបស់លោកលក់ដាច់គួសមសម្រាប់ក្នុងស្រុកភ្នំព្រឹកក្រៅពីតាមបណ្តាស្រុកមួយចំនួនទៀតក្នុងខេត្តបាត់ដំបងក៏ដូចជាតាមបណ្តាខេត្តផ្សេងទៀតផងដែរដែលបានកម្ម៉ង់ទិញពីលោក។លោកថាបច្ចុប្បន្នសម្រាប់ប្រជាកសិករក្នុងស្រុកភ្នំព្រឹកពួកគាត់បានមកកម្ម៉ង់ទិញច្រើនសម្រាប់កូនឫស្សីទាំង២ប្រភេទគឺប្រភេទឫស្សីគីមស៊ុង(ឫស្សីផ្អែម)និងប្រភេទឫស្សីសាំងម៉ុន(ឫស្សីដើមធំ)។លោកបញ្ជាក់បន្តថាឫស្សីផ្អែមលោកលក់កូន១ដើម៥០០០រៀលដែលឫស្សីប្រភេទនេះទទួលបានផលប្រយោជន៍ពីទំពាំងច្រើនជាងដើមរបស់វាដោយតម្លៃទំពាំង១គីឡូក្រាមក្នុងរដូវប្រាំងលក់បានពីចន្លោះ២៥០០រៀលទៅ៦០០០រៀលហើយខែវស្សាលក់បានពីចន្លោះ៨០០រៀលដល់២០០០រៀលក្នុង១គីឡូក្រាម។ លោកអ៊ួន.ឌឿនបន្តថាចំណែកកូនឫស្សីប្រភេទ(សាំងម៉ុន)លោកលក់ក្នុង១ដើម១មឺនរៀលដោយឫស្សីប្រភេទនេះមានផលប្រយោជន៍ទាំងដើមទាំងទំពាំងព្រោះដើមវាគេយកទៅធ្វើគ្រឿងសង្ហារឹមផ្សេងៗដោយសាវាមានដើមធំត្រង់ហើយក្រាស់អាចប្រើប្រាស់បានច្រើនយ៉ាងអាចជួយកាត់បន្ថយការប្រើប្រាស់ឈើបានផងដែរ។ចំពោះការទទួលផលវិញលោកថាឫស្សីទាំង២ប្រភេទនេះអាយុកាលប្រហាក់ប្រហែលគ្នាគិតចាប់ពីដាំកូនរហូតដល់១ឆ្នាំ៣ខែនិងបានទទួលផលសម្រាប់ផ្គត់ផ្គង់គ្រួសារបានយ៉ាងប្រសើតាមរយះការដាំឫស្សី២ប្រភេទខាងលើនេះដោយបច្ចុប្បន្នមានប្រជាកសិករមួយចំនួនកំពុងត្រូវបានប្រមូលផលជាបណ្តើៗផងដែរ៕សៅ... សូមអានត... »

ខេត្តបាត់ដំបង÷ក្រុមក្មេងស្ទាវបង្ហោះម៉ូតូអាណាធិបតេយ្យបង្កការភ័យខ្លាចដល់អ្នកដ៏ទៃដែលគេស្គាល់ថាជាក្រុមបង្ហោះម៉ូតូប្រចាំស្រុកសង្កែបែជានាំគ្នាទៅបង្កនៅស្រុកគាស់ក្រឡត្រូវសមត្ថកិច្ចស្ទាក់ឃាត់ខ្លួនបាន០៨នាក់ជាមួយនិងម៉ូតូ៥គ្រឿងតាមសេចក្តីរាយការរបស់ពលរដ្ឋ។សមត្ថកិច្ចបានអោយដឹងថាការបង្ក្រាបក្រុមបង្ហោះម៉ូតូអាណាធិបតេយ្យនេះបានធ្វើឡើងកាលពីថ្ងៃទី៣០ខែកក្កដាឆ្នាំ២០២០វេលាម៉ោង១៤:២០នាទីរសៀលដោយកំលាំងប៉ុស្តិ៍នគរបាលរដ្ឋបាលធិបតី។ដោយសមត្ថកិច្ចចោទប្រកាន់ក្រុមនេះថាបានបង្កអុកឡុកអាណាធិបតេយ្យជិះម៉ូតូបង្ហោះនៅលើដងផ្លូវសាធារណ:ក្រោយពីមានសេចក្តីរាយការណ៍ពីប្រជាពលរដ្ឋរស់នៅតាមដងផ្លូវទើបសមត្ថកិច្ចស្ទាក់ឃាត់ខ្លួននៅចំណុចមុខវត្តសំរោងស្ថិតនៅភូមិសំរោងឃុំធិបតីស្រុកគាស់ក្រឡខេត្តបាត់ដំបង។ សមត្ថកិច្ចអោយដឹងបន្តថាកិច្ចប្រតិបត្តិការបង្ក្រាបក្រុមខាងលើនេះសមត្ថកិច្ចបានឃាត់ខ្លួនមនុស្ស០៨នាក់ជាមួយនិងម៉ូតូ០៥គ្រឿងដែលពួកគេប្រើប្រាស់ក្នុងការបង្ហោះ។អ្នកទាំង០៨នាក់ដែលត្រូវឃាត់ខ្លួនរួមមាន:១/ឈ្មោះវិន.ធារិនភេទប្រុសអាយុ១៨ឆ្នាំរស់នៅភូមិសាលាត្រាវឃុំកំពង់ព្រៀងស្រុកសង្កែខេត្តបាត់ដំបង។២/ឈ្មោះរឿន.ចំណានភេទប្រុសអាយុ១៧ឆ្នាំរស់នៅភូមិសាលាត្រាវឃុំកំពង់ព្រៀងស្រុកសង្កែខេត្តបាត់ដំបង។៣/ឈ្មោះឆាន់.វណ្ណនេតភេទប្រុសអាយុ១៤ឆ្នាំរស់នៅភូមិកាច់រទេះឃុំកំពង់ព្រៀងស្រុកសង្កែខេត្តបាត់ដំបង។៤/ឈ្មោះសែន.សត្យាភេទប្រុសអាយុ១៦ឆ្នាំរស់នៅភូមិសាលាត្រាវឃុំកំពង់ព្រៀងស្រុកសង្កែខេត្តបាត់ដំបង។៥/ឈ្មោះភាព.សុវណ្ណភេទប្រុសអាយុ១៦ឆ្នាំរស់នៅភូមិសាលាត្រាវឃុំកំពង់ព្រៀងស្រុកសង្កែខេត្តបាត់ដំបង។៦/ឈ្មោះញឿង.រ៉ាវីភេទប្រុសអាយុ១៦ឆ្នាំរស់នៅភូមិសាលាត្រាវឃុំកំពង់ព្រៀងស្រុកសង្កែខេត្តបាត់ដំបង។៧/ឈ្មោះអ៊ុន.ករុណាភេទប្រុសអាយុ១៦ឆ្នាំរស់នៅភូមិសាលាត្រាវឃុំកំពង់ព្រៀងស្រុកសង្កែខេត្តបាត់ដំបង។៨/ឈ្មោះថូ.ឧត្តមភេទប្រុសអាយុ១៦ឆ្នាំរស់នៅភូមិសាលាត្រាវឃុំកំពង់ព្រៀងស្រុកសង្កែខេត្តបាត់ដំបង។ ក្រោយសមត្ថកិច្ចបានអប់រំអ្នកទាំង០៨នាក់ក៏សមត្ថកិច្ចបង្គាប់អោយធ្វើកិច្ចសន្យាផងដែរចៀសវាងប្រព្រឹត្តទៅថ្ងៃក្រោយដែលបង្កការភ័យខ្លាចដល់អ្នកដ៏ទៃនិងបានប្រគល់អោយអាណាព្យាបាលយកទៅអប់រំបន្តនៅលំនៅដ្ឋានរៀងៗខ្លួនវិញ៕សៅ... សូមអានត... »